 放大圖片
吳國敬下月將踏入紅館，舉行其首個入行30年的作品展，一連兩場的《敬•愛音樂吳國敬30載作品展音樂會》。蘇永康、陳慧琳、鄭秀文、陳奕迅等個個舉手埋位玩，當然唔少得兄弟幫Big 4上場，巨星雲集，阿敬單是想Rundown已經夠苦惱。因兩晚嘉賓不同，還請了中國香港，青年交響樂團伴奏，阿敬自己亦特別為演唱會創作主題曲，只希望可以令大家玩得盡興。■採訪：植毅儀、化妝、髮型：李倩雯
吳國敬一向給人搖滾，當年一曲《玩火》令人留下深刻印象，此曲那時來說屬較另類的音樂。今次演唱會找來阿Mark(雷頌德)做音樂總監，希望可以玩得更精彩。「入行30年，舉行首個入行30年的作品展，是講我30年的音樂人生。特別邀請中國香港青年交響樂團伴奏，這音樂班底非常豐富，四十多人大樂隊在一起演出。《玩火》是我成名作，這首歌會放在演唱會頭段，給觀眾熱身。另外找來雷頌德做監製，大家相識多年，第一次在音樂演出上合作，就是貪佢夠 creative。」
阿敬提到30年的星途裡經歷過起伏跌宕，1990年是吳國敬人生最低潮時期，因為媽媽在美國車禍過身，令阿敬無心機唱歌，但又想繼續做音樂，所以當時選擇退居幕後作曲。「我做的是娛樂事業，但當時我上台唱歌，一啲都唔開心。媽媽的過世對我影響好大，我傷痛未撫平，對於做幕前唔開心，有段時間成個人好抑鬱，但又唔想放棄音樂，之後問人借錢買電腦，喺屋企篤篤篤，就作咗一百首歌。 2006年到現在，傷痛終於復原返，我可以話你知，現在的吳國敬是最完整的，然後唱返歌，所有感覺都返來了，於是出返嚟唱歌。我好多謝音樂令我重生，我靠音樂醫療好我的情緒病。」
蘇康捱義氣唱旺金曲
當年由幕前轉幕後，在完全不懂樂理的情況下，逐粒音篤出來，到今天成功創作出過百首流行金曲，分別有蘇永康的《越吻越傷心》、鄭秀文的《親密關係》、許志安的《真心真意》、陳慧琳的《對你太在乎》、張學友的《我應該》、張栢芝的《任何天氣》、趙學而的《意氣用事》、郭富城的《誰能代替你》等，更為自己寫下作品《其實我深深愛着你》，更成為他的代表作，成為街知巷聞的金曲。
記者笑問阿敬是如何派歌給其他歌手的，他坦言《越吻越傷心》的蘇永康是第三個才接這曲的人。「作完曲，咪派出去，A唔岩就畀B，B唔岩就畀C。當時《越吻越傷心》第一位係畀李蕙敏，第二位係梅艷芳，但她們都冇反應。後來蘇永康捱義氣幫我要咗首歌。最後更成了街知巷聞的一首金曲。」
|
放大圖片
