 放大圖片
（第一場）「元豐泰」上季尾便是在四班此程擊敗「歡欣星」贏馬，現時評分比起該戰低六分，最重要是可以落到最低班次作賽，優勢明顯，強配韋達，值得高度注視。
（第二場）「長勝勇將」同程兩戰全入Q，分別是輸俾「大家贏」及「好腳頭」，賽績有晒根據，賽前安排試大閘跑第三，走勢討好，看動態有決心在此打破僵局。
（第三場）「京城珍寶」呢個路程跑五次非冠即亞，近三戰全勝，而且賠率不計冷熱都照搏，呢種進取作風值得讚，四歲仔氣勢正盛，上三班負輕磅照計有好無壞。
（第四場）「安利多」近兩次跑呢個路程都得季軍，上仗末段明顯冇斷得咁快，足見本身貫注力持續增強，今場冇乜相沖跑法馬在陣中，預期可賺有利形勢，值得追贏。
（第五場）「準備就緒」（圖6號）目前可躋身高班行列，好大因素是靠超卓泥地性能，畢竟之前四戰此程全是彈甩晒對手贏馬，實力去到邊尚未知數，馬少場合，要保持泥地不敗紀錄唔難。
（第六場）「愛頑皮」今季狀態納回正軌，接連在此程有出色演出，對上三戰此程非冠即亞路有專長，上兩回排檔咁曳都跑得好，今場檔位轉好，應該會持續有好表現。
（第七場）「嫡愛」今季久休復出熱身一場後，上賽旋即擊敗「執到寶」贏馬，難得是今場仲可跑三班高分區賽事，對手同上賽差唔多，如無意外，可以執多劑。
（第八場）「優勝」剛戰直路雖然追得好勁，始終是鞭長莫及，六歲馬現時落腳已轉慢，千八以上途程應該會更加適合發揮，今次難得對手唔強，是補中好機會。
|
放大圖片
