周家怡愛演戲棄做律師

放大圖片

■梁小冰與周家怡劇中如火星撞地球，擦出火花。

至於在劇中和小冰火拚的周家怡，是首次擔正做主角。効力無綫多年，其實家怡有不少令人印象深刻的角色，如《火舞黃沙》中那個兔唇女茅小琴，及《花花世界花家姐》中，和老友佘詩曼齊飾演智障人士。對於今次首擔正，家怡形容行運行到腳趾尾。

「你問周家怡係邊個，可能有人會答，佘詩曼個friend，又甚至乎是反問係咪報新聞嗰個。可以演這麼重要的角色，有人畀機會自己，真是行運行到腳趾尾，幾難先有人肯掟錢畀我做女主角呀！我覺得已經執到。」拍劇之餘，周家怡報讀港大法律高級文憑，終以十個A佳績畢業。問到家怡可會考慮做律師？她說：「如果要做律師就一定要繼續讀上去，但我真係好鍾意演戲，未打算放棄演藝工作，所以決定留低再行落去。」