 放大圖片
「第34屆香港電影金像獎」將於周日舉行，蔡卓妍（阿Sa）憑電影《雛妓》獲提名「最佳女主角」。戲中的阿Sa演技脫胎換骨，得到各界好評。早前，阿Sa已先後獲得兩個海外獎項，令奪獎呼聲更高。對於得獎與否，阿Sa自言有提名已經當贏了，也有信心即使不是這一屆，亦終有一日可以得到這個獎。
憑電影《雛妓》獲提名「最佳女主角」的阿Sa，戲中由10多歲演到30多歲、兼有多場情慾戲突破性演出，阿Sa已先後奪得《澳門國際電影節》「最佳女主角」和《大阪亞洲電影節》「特別表揚獎」，外界對阿Sa已另眼相看，成為「影后」黑馬人選。
「今次是我第二次獲得「金像獎」提名，對上一次是2007年憑《戲王之王》獲提名，亦對個人演藝生涯充滿希望。當初獲得提名，已經收到不少祝賀的電話及短訊，我自己已經當贏了。我的年資尚淺，條路仲有好長，一日唔死都有機會，所以得獎與否，都視已經贏了。我有信心即使不是這一屆，亦終有一日可以得到這個獎。」
萬一輸也是雖敗猶榮
不少人認為，阿Sa今次是越級挑戰，因為她的對手包括憑《金雞SSS》獲提名的吳君如，亦需迎戰幾位內地影后，包括《黃金時代》的湯唯、《撒嬌女人最好命》的周迅，以及《親愛的》的趙薇。但筆者認為，除了《親愛的》的趙薇是比較大威脅外，阿Sa幾乎沒有對手。就連不少圈中人也公開稱讚阿Sa，令她信心大增。
「早排秋生哥（黃秋生）畀咗三個字的評價我，就是佢當面同我講『非常好』，聽見真係好感動。你知佢向來欣賞就欣賞，唔會理你係邊個畀面你。以前我有戲上，通常好表面，話靚之類，好少咁樣去研究我演技，但今次會話我演得有層次，這些讚賞真係好大鼓勵。相對於8年前，我今次係大了很多信心。但你睇下我今次的對手，全部都係影后級人馬，對手咁強，同她們一齊提名已經好光榮。真的還好啦！我現在反而覺得更輕鬆，因為我已經得到評審、前輩、同業還有觀眾對我表演的認同，我已經很心滿意足了，所以就算輸咗都係雖敗猶榮。我都睇咗趙薇套《親愛的》，由頭喊到落尾，佢啲演出好感動。」
閱歷助演角色內心戲
一個演員隨着自己的年齡及閱歷增長，令自己的個人修養及演技也有所提升。正如阿Sa所言，若五年前接到《雛妓》的邀約，應該不會接演，因為那時的心態還沒準備好，沒有足夠信心演好。「拍攝前大半年，邱禮濤和杜汶澤給我講這個劇本時，我曾經很猶豫。因為以往經歷過太多次，講劇情好動聽，但當答應了再收到劇本，甚至拍出來卻是兩回事。所以我還是堅持收到劇本看過後才考慮，當我看完劇本，發覺這是一個社會問題，戲中的何玉玲很值得同情，而且類似她的情況在大家周圍都有發生，不單是泰國會發生，好多地方都出現，希望更多人關注survival sex呢樣嘢。好多人會問，點解阿Sa會咁放？因為同導演（邱禮濤）溝通了大半年時間，我知道佢唔會為露而露，了解他會怎麼拍，慢慢跨過了心理障礙。拍攝之前我停工大半年去準備，當真正埋位時，我已放低所有心理關口。如果開拍後還有心理障礙，那就不要拍了。也許幾年前，我未必能拿捏到這個內心矛盾又複雜的角色，所以演員真的需要有經歷，如果人生有如一張白紙，就不懂得演這角色的內心層次。加上當時我的愛犬剛過身，雙重的情緒打擊下，幾乎抽離不到，過程很痛苦。當然仲有對手華哥（任達華），畀咗好多信心我，如果冇咁好對手，咁好的劇本同導演，我唔會有咁嘅表現，是他們成就了我，最可惜華哥今次沒提名。」
採訪：植毅儀
攝影：彭子文
髮型：JackyTsui@hairculture
化妝：Nataliesoo@ndnco.co
場地：英皇娛樂演藝創意學院
|
放大圖片
