 放大圖片
■Chilam笑靚靚是真正股神。
香港文匯報訊（記者 梁靜儀）張智霖（Chilam）昨日與唱片公司一班歌手，包括鄭欣宜、關心妍、HotCha、車婉婉及Soler等在清水灣片場拍攝新歌MV，他謂是第一次與公司成班歌手一起拍攝MV，覺得有種團結的力量。
Chilam自言心情好跌蕩，因為95歲的外婆早前仙遊，晚上去完靈堂拜祭後又要出席朋友的春茗，雖然是笑喪，但心情都好難調節，奈何這就是人生的縮影。問到可有想過推掉春茗活動？Chilam說：「唔會推，因為婆婆都好大年紀，有老人癡呆，已經唔認得人，家人都有心理準備，(兒子可知道曾祖母過身？) 有教導兒子，人生係會有呢種事發生，親人係會失去，佢都好似好明白咩事。」
另外，談到最近股市勁升，問到他與太太袁詠儀（靚靚）可有斬獲？Chilam笑說：「靚靚勁呀，有幾十次浪都無放，長擺，（今次都冇放？）冇喎，完全置諸度外，港交所五十幾蚊買都唔理，都冇放，原來真正股神係唔理。」至於他自己，他承認有正常投資，有買有賣，但因為《大時代》都避一避。問到是否賺了一倍?他不置可否，只表示會請食飯。
對於無綫臨時抽起《衝上雲霄II》改播《大時代》，Chilam笑指無綫是一番美意：「TVB好有心地警惕大家唔好得意忘形，唔好誤會TVB一番美意。」
|
放大圖片
