 放大圖片
■王浩信昨日拍攝一場只着底褲孭住雪梨姐喪跑的戲份。
香港文匯報訊（記者 梁靜儀）王浩信、朱千雪及雪梨昨早在旺角拍攝《EU超時任務》，劇情講述王浩信為救爛賭媽咪雪梨，結果搞到輸剩底褲，由於現場有不少傳媒採訪，以及有途人圍觀，令到浩信表現得有點尷尬，不過為拍劇可以去盡的他就說：「希望一啲話題性演出吸引到觀眾。」
昨日王浩信拍攝一場只着住底褲孭住雪梨姐喪跑的戲份，由於來回跑了好幾次，結果拍到滿頭大汗。之後浩信見到傳媒採訪，表現得有點尷尬，影相前更要走入後巷整理一下。受訪時，浩信笑稱未試過見記者如此大壓力，問到他可有打底？他笑說：「無呀，我唔知底褲入面點樣再打底？我以為係(着)孖煙通，之後今日講我輸淨係底褲，效果更加突出。」
浩信又表示劇中飾演土豪村長，收到劇本後就不停吃，所以今次是拍劇以來最肥的一次，他笑說：「肥咗十磅左右，始終時間有限，所以已盡食。因為之前拍《東坡家事》做摔交手要操fit，我叫老婆咩都整啲，老婆煮咗五花腩、宵夜又食公仔麵，中午又食多兩碗白飯，肚晒落肚腩。」
捱千雪多次掌摑
千雪聽到拍檔王浩信可以放盡去食即羨慕不已：「你就好啦，我不知幾想。」對於為拍劇去到盡的浩信，她笑言自己今次真的輸晒，就算着三點式都多布過他。問到可接受穿泳衣拍劇？她笑謂要視乎有幾多時間給她準備。劇中飾演Madam的千雪，透露劇中要虐打王浩信，她說：「有場戲講我覺得佢好樣衰，要一巴摑佢同踢佢下面，試戲時唔覺得真係摑咗，連工作人員都叫我唔使咁認真。」
拍戲經常要被掌摑的王浩信就笑謂最甘都是今次，問到被千雪摑了多少巴？他說：「拍出來就一次，試戲就好多次。」
|
放大圖片
