傳開拍《大話西遊》終極篇 莫文蔚：一定要有我份

放大圖片

■莫文蔚

香港文匯報訊（記者 梁靜儀）莫文蔚（Karen）昨日到紅磡理大出席好友的咖啡店開幕禮，Karen又與一眾嘉賓分享三呎闊巨型分子炸魚薯條。問到可有興趣開一間 Cafe？Karen坦言有興趣：「自己鍾意飲茶及咖啡，又會自製糕點，所以都有興趣，仲會拉老公落水，（在香港還是外國開？）如果外國氣氛會濃厚�齱A租金都唔會太貴，但都係等我差唔多退休先諗。」

近日市傳導演劉鎮偉有意開拍《大話西遊》終極篇，當年有份演出的Karen坦白有聽聞過，因為該片開拍至今已廿年，聽說會有慶祝活動，但實際如何就沒人接觸過她。她又說：「如果真係開拍一定要有我份，之前套戲咁經典，白晶晶呢個角色大家都鍾意，（但已無藍潔瑛這個對手？）呢�灡阞聽瞈虪i以天馬行空，可以玩好多角色人物，我諗《西遊記》呢個題材永遠都係經典。」

Karen又想劉鎮偉翻拍另一經典《黑玫瑰》，當年她在英國讀完書回港就是看這一部戲，最想扮演梁家輝的角色。問到Karen今年可會拍電影？她表示今年不會拍電影了，因現正籌備九月開始的巡迴演唱會，第一站是台灣，之後就到內地巡迴，由於上次巡迴沒有香港站，她希望今次可以回港演出。