 放大圖片
■劉浩龍直言希望觀眾給他信心。
香港文匯報訊（記者 梁靜儀）劉浩龍（師兄）前晚於九展舉行一場音樂會，獲一班好友包括丁子高、梁漢文跟太太Karen、徐濠縈、何超儀、Eric Kwok與太太葉佩雯、藍亦邦、吳國敬及蔡瀚億等撐場，但女友容祖兒因身在內地錄影節目而未能出席。師兄當晚見台下觀眾反應細聲，即示意他們再加多點熱情，希望觀眾給他信心。
師兄以一曲《 Change your life》為音樂會揭開序幕，之後一口氣唱出《記得》、《斷尾》幾首歌後，見台下觀眾反應細聲，他就說：「3年無開騷，反應都係咁細聲咋？我期待呢日好耐，3年前個劉浩龍音樂會得4百幾人，今次係兩倍人數補返晒，點解我要唱4隻歌？我擔心大家唔記得劉浩龍係歌手，所以All in 4首大家鍾意的歌。呢個騷唔係我畀嘢你哋，係想你哋畀返所有信心我。」
之後師妹陳慧敏跟師兄合唱時，對於被師兄拖手，唱完歌後她笑問師兄說：「你做咩拖我？綵排時都無，好多謝師兄畀機會我。」
前晚師兄唱了多首別人的歌，當唱完《 囍帖街》後，師兄突然感觸的說：「3年前做完個騷以為好快見大家，一等就3年，呢3年經歷高高低低，朋友話似坐過山車，之後又為電影角色減肥、增磅，其實減唔減都無所謂，我願意為大家付出，呢個騷我會當係最後一個，因唔知之後會發生甚麼事。」接着強忍淚水唱出《勇》，又向席上的媽咪唱出《我信的故事》作為母親節禮物。
Fiona着7吋高跟鞋拗柴
2004年出道的師兄，又請來同年出道的周國賢和薛凱琪（Fiona）擔任嘉賓，師兄和周國賢介紹歌曲《目黑》時，大玩粗口諧音，唱到中段時Fiona出場，之後三人接連唱出3首快歌，掀起全晚高潮。不過腳踏7吋高跟鞋的Fiona期間不慎拗柴，幸好沒有大礙。事後Fiona笑言當時是痛了一下，但自己在台上對鞋子的意外很有經驗，故不會影響她的專業。Fiona又稱這次能擔任嘉賓很感動，因自己與師兄及周國賢同是 04年新人，而今次也是周國賢離開樂壇後，兩人首次見面。問可會拉攏對方加盟太陽娛樂？Fiona說：「唔需要我拉攏，好多朋友都想他復出，如果他想簽公司，相信很多公司都爭住要。」另問到可有留意老闆周焯華近日的新聞？Fiona直言很少看八卦新聞。完騷後師兄接受訪問，提到女友容祖兒缺席，他表示對方在內地拍攝節目，但已傳訊息為他打氣。他又謂三年無開騷，開騷前一星期有點緊張，還因操得太勁觸傷頸骨舊患，之後去看醫生雖然醫好舊患，卻又被醫生傳染了感冒，幸好都順利完成演出。
提到自己在台上表示三年前開完騷後，以為很快便再開，可惜最後未能成事，問到是否不甘心？師兄坦言：「之前是有（應承）的，但後來各種原因就無咗，唔係失望，令我更珍惜呢次，因無諗過一等就等3年。」問到他是否因這件事而不續約舊公司？他強調絕對不是，當時公司也安排很多電影和電視劇給我，可能公司覺得他拍戲好些。師兄又稱當初邀請周國賢時，對方一口應承，見到對方在台上真的百般滋味，但沒問對方是否想復出。
丁子高指妻久病未癒
另外，丁子高前晚偕同友人前往捧場，談到太太千嬅氣管敏感久久未能痊癒，他說：「由演唱會完咗再去完旅行到依家，已經病咗個幾月，睇西醫食咗類固醇廿幾日，身體越來越弱，之後睇中醫，醫生一把脈就叫佢唔好再食。」提到他們曾表示今年會全力造人，他笑說：「佢排唔到（工作）期，佢今年都好忙，見佢仲睇緊劇本。（不怕她做高齡產婦？）順其自然啦，有Torres已好開心！」
|
放大圖片
