 放大圖片
■學生送花歡迎楊千嬅與呂麗紅校長。
香港文匯報訊（記者 梁靜儀）楊千嬅與呂麗紅校長，昨日到大埔香港教育學院出席講座，席上千嬅除了分享湊仔經外，又趁機向校長請教育兒心得。
已為人母的千嬅，在台上大談湊仔經，她指兒子Torres最喜歡將圖書中的動物代入家人中，像見到獅子就會將牠代入爸爸，見到長頸鹿就是媽咪，還有Torres最開心就是聽她講故事，千嬅笑說：「有時我會作古仔，實在有啲故事書唔啱小朋友睇，見到啲唔對路，就用自己的專業創作啲嘢出來，做埋編劇。」千嬅指兒子Torres最喜歡睇迪士尼的故事，說到很多故事中都會有感情線？ 千嬅指兒子還未識拍拖的事，而且他就讀的班中女仔比男仔多，所以她想多帶兒子出外同男仔踢波，加上兒子的氣管又不好，希望踢波可以令他好些。問到兒子會否對她的身體器官感到好奇？千嬅笑指兒子懂得辨認她是否有化妝：「佢識得分我有無化妝，佢唔鍾意我化妝，因為知我一化妝就要出門，佢今日發高燒無返學見我化妝就唔肯瞓，咁我就同佢講瞓醒我就返到。」
問到千嬅何時再生B？她表示要先調理好身體，因為之前氣管敏感只好了七、八成。問到Torres可想要弟妹陪伴？千嬅說：「Torres當然想得佢一個，有時畀佢揀，佢就會答想要baby sister，咁就大鑊，如果再生仔點算，我就無所謂。」
|
放大圖片
