 放大圖片
■樂仔稱今次拍廣告才知道「沙灘籃球」。
香港文匯報訊（記者 植植）余文樂日前拍攝新廣告，除一向的打籃球外，不過今年有新花臣，就是「沙灘籃球」和「水底籃球」！樂仔親自解構今次電視廣告為何由沙灘打到落水底，他說：「其實個故仔係講我同班朋友在沙灘打籃球，個籃球跌咗落水，我跳入水追住打！」而拍攝亦分兩部分，第一天在泳池拍水底戲，為了安全，沒有潛水經驗的樂仔預先上堂學水底呼吸。拍攝時，工作人員和攝影師都要佩帶氧氣筒潛落水底，但樂仔就不能用氧氣筒，所以在場除了有潛水導師和救生員，還有醫療人員隨時候命。
拍完水底部分，樂仔轉戰沙灘籃球，拍攝當日雖然烈日當空，但有籃球在手，樂仔忘記一切與陽光玩遊戲，導演未嗌action，他已經與波友鬥射波。事後樂仔自嘲孤陋寡聞，說：「我真係見識少，因為今次拍廣告才知道『沙灘籃球』，又真係幾好玩喎，不過要小心𠝹到腳，今朝就有演員唔小心整損腳。雖然好玩，但好曬，平時真係幾難約埋幾個朋友去沙灘，唔曬太陽而打籃球。」他坦言喜歡到沙灘曬太陽，但甚少約朋友去，因為他喜歡一個人去靜思。問他會唔會裸曬呢？樂仔衝口而出：「費事嚇親人！」隨即哈哈大笑，說：「唔係，我只係怕被人影相，職業病嘛！其實都有去過外國的天體沙灘一次，但自己唔裸曬，去到好異相！」
|
放大圖片
