孖寶我有計：正白旗匆出有計

放大圖片

今晚谷草舉行八場賽事，水準不高，其中首兩場均為四班賽，只要賽果稍為扭歪，除時會有可觀的派彩，值得一試。

第一場、第四班、一六五○米。「正白旗」已兩年半未再贏馬，今季中曾於田草千四及泥地千八米上名，上仗列陣田草千四米，狀態又見回復水準跑近，今仗匆匆再出轉爭谷草一哩，換上吳嘉晉有五磅可減，而騎者今季出策放頭馬時有神來之筆，隨時可打破悶局。「豁達瀟灑」過去兩捷全在同欄位同程取得，現評分降至最低位六十分水平，已經有反彈條件，落班兼強配莫雷拉，已屆取勝時。

第二場、第四班、一○○○米。「高山威龍」季內已經兩捷同程，而且歷來四捷亦全部在此程取得，今仗改配停賽期滿復出的巫斯義，騎者上季亦曾替此駒贏馬，故劍重逢隨時係接風馬。「名馬」季內三戰同程全收獎金，今仗排到內檔有利發揮，乃一路奇兵。