 放大圖片
■黃家強接受節目《寂寞留聲群》主持艾力專訪時，明確表示「Beyond肯定冇可能重組！」
香港文匯報訊 有報道指Beyond將於年底重組，並破冰舉行演唱會，更指會邀請草蜢、太極、達明一派等同輩組合做嘉賓，齊向黃家駒致敬。黃家強日前到新城電台，接受節目《寂寞留聲群》主持艾力專訪時，明確表示「Beyond肯定冇可能重組！」
Beyond三子最後一次合體的個唱，已經是2005年的事，故今年是Beyond解散的十周年。黃家強回想當初要接受「散Band」的事實，感到很徬徨。但如今十年已過，經已習慣一個人走音樂路，不能夠再回望以前。
對於樂迷時常渴望Beyond能再次重組開演唱會，黃家強斬釘截鐵表示：「冇可能，真係冇可能！」家強無奈地說：「早在1999年大家表示想分開的時候，當時我覺得只要彼此忍讓，Beyond是可以繼續走下去。但無奈事情並非由我一人決定，當後來事情發展到有人不擇手段去傷害對方，我已經真的不能接受。這個也不是我想看到的結果！但如果要去到聯手攻擊我，每個人容忍都有限度，我不出聲你都不放過我，硬要迫我跳落懸崖，把事情全部講出來，何必要去到這地步？當走到這地步，這樣還能再做Beyond嗎？」黃家強語帶唏噓：「Beyond內裡之間的問題，咁多年來一直唔講，就係唔想俾外人知。冇外人知，我哋又唔講，Beyond咪可以繼續囉！依家搞到咁樣，仲點可能再做？」
提及哥哥黃家駒，家強歎息表示：「問心講，其實家駒唔喺度，（Beyond重組與否）都冇咩意思！如果佢仲喺度，我諗我會用心好多！」家強希望樂迷對他的決定，表示明白及理解：「其實世上好多樂隊，都係解散咗冇再復合，希望樂迷接受我們的決定，Beyond已經緣盡！希望大家會繼續支持我哋各自的音樂！」
|
放大圖片
