 放大圖片
第三場、第四班、一六五○米。「馬利多」跑咗兩季都無法贏馬，不過喺呢個路程曾多次殺入三甲，當中不乏水準之作，好似上季尾以頸位之微不敵「豹顯神駒」，而壓倒「光速銀桂」得亞軍；今季初在蔡明紹胯下與「馬主光輝」同「競駿才子」喺終點前展開肉搏，結果影相之下被「馬主光輝」氣走，再次屈居亞軍，由此可見「馬利多」只要有好運氣，在四班要贏馬唔難。
第四場、第四班、一八○○米。「幸運新寶」跑咗三季只錄得一Ｗ，成績未見突出，但此程八戰有一勝三位，半數可上名，是最好的路程，贏馬一役係上季喺郭能胯下以頸位壓倒「好球」，當時是評五十分。之後雖然無法再交出頭馬，但經常能夠在三甲上名，好似今季咁，跑咗十四場有九場能夠走入頭五名，當中有五場取得上名成績，證明隻馬長期有作戰狀態，形勢夾到隨時東山再起。
第七場、第三班、一六五○米。「一見鍾情」上季喺呢個路程打疊贏兩場，先是以兩個身位輕易殺敗「方程式」，後駒之後添三勝兩位，其中一場更是贏二班賽；另一場是以一個身位殺敗「勁飛翔」，後者之後於同一路程補中。由呢兩場勝仗已反映出「一見鍾情」縱使不是匹二班馬，但喺三班肯定屬班頂貨色，今季經減分部署後，現評分回落到贏馬水平，隨時可打翻身仗。
|
放大圖片
