 放大圖片
（第一場）「仁愛之友」今季在四班也能上名，計實力在五班是有相當強殺傷力，今次負磅較之前略有調低，老馬唔使負重，爭勝條件自有所提升，今場揀得落手嘅馬實在唔多，庸中取佼，值得秤先。
（第二場）「龍騰虎震」季內於谷草表現相當穩定，即使贏唔到亦例必會跑得接近，前仗初配羅理雅即上名，證明人馬相當夾，重返最強項角逐，應該可以衝擊冠軍。
（第三場）「名馬」季內共累積兩勝兩位，成績遠較預期佳，可見此匹六歲馬現階段才真正處於黃金期，最難得是屢拚不疲，埋門所見狀態依然弗到震，值得再追贏。
（第四場）「環保戰士」二班唔夠砌，但季內兩戰三班賽全上名，六歲馬已淪為二三班升降機，賽前工夫積極，重召人馬八次合作六度上名的韋達壓陣，是動食指時候。
（第五場）「果然醒」抖了大半年，上仗復出已幾乎贏得，最終不敵「一定旺」而跑得亞軍，絕對是實力的表現，傷病馬難得復課繼續受操，必無保留悉力再拚。
（第六場）「聰明申報」（圖前駒）對上四戰全不勝有位，北半球自購馬咁快適應水土兼有咁好成績交出，前景一片光明，復課工夫不鬆反緊，擺明仲未收夠籌。
（第七場）「津津樂道」對上兩戰於唔同場地都跑得殿軍，證明現時狀態相當弗，上場被加兩分，證明評磅員對此席殿軍評價好高，今次舊地重遊，應可提升名次。
（第八場）「勁感」同程七戰獲一冠兩亞兩季，上名率相當高，兩次落第皆因受重磅所累，堅信實力足夠在二班爭霸，今次負輕磅有利，全力一戰，絕對有能力食尾胡。
|
放大圖片
