 放大圖片
■偉仔赴會賀妻子嘉玲勇奪舞台劇最佳女主角。
香港文匯報訊 為慶祝劉嘉玲得到應屆香港舞台劇最佳女主角，英皇娛樂前晚特於半島酒店設宴為嘉玲慶祝，並邀請了60名賓客出席，寓意「六六無窮」。嘉玲的老公梁朝偉亦有赴會賀妻勇奪殊榮，粉碎兩人已分居的婚變傳聞。
劉嘉玲早前憑舞台劇《杜老誌》奪得第24屆香港舞台劇最佳女主角。由於上次舞台劇頒獎禮舉行時，嘉玲因事不在港，故未能出席領獎，所以一眾好友才選擇了6月6日這個好日子為她補祝。
當晚星光熠熠，一眾出席慶賀的嘉賓有梁朝偉、楊受成夫婦、梁李少霞、謝君豪、曾志偉、沈嘉偉、邱淑貞、周麗淇、關之琳、樂易玲、鐘鎮濤夫婦及舞台劇的台前幕後人員等。
早前有傳聞指嘉玲與老公偉仔分居，並跟一同性密友共賦同居，前晚偉仔的現身，並甜蜜祝賀妻子得獎，兩人婚變的謠言不攻而破。
現場嘉玲拿着獎項滿場飛，跟好友們大喝美酒慶賀，碰巧酒店的宴會廳露台望正對面海的灣仔演藝學院，於是嘉玲襯magic hour良辰美景，馬上拿着獎項影相留念。
嘉玲又應邀道出得獎感言，她表示：「舞台劇係演戲的殿堂，能夠得到呢個肯定我非常感動！呢個獎對於我來講意義重大，多謝英皇娛樂不惜成本地支持香港舞台劇！一做41場創下紀錄，多謝楊生重本投資，畀我哋可以有咁華麗製作，又好多謝佢今晚搞咗個咁開心的派對為我慶祝。」
毛Sir嚴厲執導激發潛能
其後，嘉玲亦逐一多謝《杜老誌》的台前幕後所有工作人員，當中包括梁李少霞、毛俊輝、莊梅岩、謝君豪及梁家輝等人，並直指他們缺一不可。她笑說：「尤其特別要多謝君豪同導演毛Sir，毛Sir簡直係激發我嘅潛能出來，佢對我嘅要求仲嚴格過對佢老婆！最初排戲嗰陣，我做咩毛Sir都話『唔得，唔得』，叫我自己返屋企諗下點做。君豪就我有咩錯佢臨場都救到我，有佢係到我定好多，以後再做舞台劇我都一定要同佢合作！當然仲要多謝梁家輝啦，不過佢今日唔喺香港來唔到慶祝。」
嘉玲又坦言起初接演舞台劇是因為貪玩，她說：「好多朋友問我『你唔攰咩？』成日飛來飛去做嘢都無時間玩，講真我又真係唔攰喎，現在係我身體同智能最好嘅時間，懂得享受亦懂得感恩。我做人做事都要講趣味、好玩。我每日除咗睡覺外，無一分鐘唔係在積極地活動。然而我從來唔覺得疲倦，而且很少生病。因為我每天嘅活動都好有趣，好好玩。可能因為貪玩，對任何嘢都有興趣，所以先接演舞台劇試下， 但係無諗過排戲真係好辛苦，流下好多淚水，好彩有君豪、家輝及台前幕後陪住我、支持我。」
最後，嘉玲坦言她所做的事經常失敗，然而她總是一面失敗一面做，因為她不但在成功裡感覺到趣味，也在失敗裡感覺到趣味。
|
放大圖片
