 放大圖片
香港文匯報訊 本身是形象指導的馬天佑（Tianyo）已正式加盟Amusic做歌手，並獲老闆黎明親自執導其首隻國語單曲《搞破壞》的MV，大玩全CG元素，黎明笑說：「我幫馬天佑搞破壞！」而Tianyo亦感激黎明：「佢係我音樂伯樂！」
Tianyo被問到為何突然想轉型做歌手時，他坦言很想做一樣由自己出發的事：「我由細到大對音樂都好有熱誠，我做的所有事都係由音樂出發，但係我一直冇機會接觸唱歌，所以先由時裝、時尚作為入呢行的門檻。」故此黎明幫他實踐歌手夢想，令他感到非常興奮及感激。
其實二人早已認識，Tianyo笑言跟黎生理念一致，故很快便達成合作，他說：「我諗黎生唔會做重複同唔好玩的事，呢個係我們最似的地方，宗旨好一致！佢亦都有提點我將來點可以在音樂上玩得更大，聽到我好興奮。」
而Tianyo亦直言心目中想拍的MV效果，只有黎明一個拍得出來。他表示自己從台灣錄完《搞破壞》後便帶咗歌曲相約黎明出來喝東西，「我問佢『可唔可以做我MV導演』，佢當時個樣好鎮定，但睇得出佢眼神『咩料呀？』哈哈，佢聽完首歌之後放低headphone就應承咗我，佢仲即刻講咗idea出來，同我諗的完全吻合！有咁好的伯樂真係飲得杯落！」
|
放大圖片
