 放大圖片
■謝婷婷得到父母謝賢及狄波拉出席支持。
香港文匯報訊（記者 梁靜儀）電影《有客到》前晚於九展舉行首映，導演吳家麗率領徐子珊、劉心悠、謝婷婷、蔡瀚億、郭偉亮及朱晨麗等演員出席，當晚更有不少藝人前往捧場，包括麥家琪、夏文汐、葉佩雯、宣萱以及婷婷的父母謝賢（四哥）及狄波拉（拉姑）等。四哥到場後亦與記者談笑風生，但當有記者提及曾江，四哥即時板起臉口說：「唔好提呢個人好唔好？」
四哥前晚與拉姑原本只站在場外，後來被記者發現，被大批傳媒拍照的四哥為免喧賓奪主，就示意記者稍後才拍照，儀式結束後，四哥才與拉姑及婷婷影合照，並停下來接受訪問，他表示是來捧婷婷場，問到他的心情好返未？四哥說：「今日唔講呢啲，總之我特登來捧佢（婷婷）場，話晒個女都係做到第幾部戲，睇完會給婷婷評語。」當問到他驚唔驚睇鬼片？風趣的四哥就笑說：「我咪係鬼囉，我成日都搞鬼，（婷婷驚睇鬼片？）唔使特別教，會慢慢習慣。」
說到《四個小生去旅行》收視好，會否同一班「小生」食飯？四哥說：「睇佢哋幾時得閒先，（溝通緊？）等佢哋有時間先。」原本心情大好的四哥，當聽到記者問到會否約埋Ken哥（曾江），他即板起臉口說：「唔好提呢個人好唔好？好唔好？好唔好？畀我開心下好無？」說完即入場。
婷婷睇完鬼片要人陪
問到婷婷是否邀請父母來睇戲，她竟說：「其實係Daddy自己話來，我都冇時間打畀佢，我都呆咗一分鐘。」她又謂平時很少一家人一起睇鬼片，因她與媽咪一樣膽小，平時睇完鬼片都要做心理輔導，她笑說：「洗面、去廁所都要搵人keep住同我講嘢，（沖涼都要？）唔使啦，係都搵媽咪。」
說到被Daddy搶鏡？婷婷坦言：「帶得佢來都知道，都係為件事好。」婷婷又謂不知Daddy是否已嬲完，不過她表示有睇《四個小生》爸爸做太空人那一集：「見到Daddy好開心，我開心多過驚，Daddy一向鍾意呢啲嘢，一生人有幾個可以做到？見到Daddy好似細路哥笑得天真活潑，好感動想喊，希望將來有時間可同屋企人去旅行。」
子珊見兩行空位好驚
在片中飾演女鬼的心悠自認細膽，笑謂到場後仍然掙扎是否出席完記者會後就「撇」，她說：「雖然好想睇，但要做好心理準備，反正有換票證，我怕睇完晚上瞓得差，影響到皮膚同胃口及之後的工作。」她謂去年拍的鬼片都是做完記者會就想走。說到她可找男仔陪睇壯膽？她說：「只要大膽的人就可以，男女都沒所謂，不過沒有男仔自薦約我睇鬼片，因為識我的人都知鬼片唔啱我睇，（會扣分？）直頭唔會同佢講嘢。」徐子珊前晚抱着戲中的黑貓現身。剛由馬來西亞宣傳該片返港的子珊，表示入到戲院見到頭兩行座位「吉晒」好驚，後來問人才知只是未入場，不過她也聽聞當地的神功戲，頭兩、三行座位會插香，幸好戲院沒有插香。問到此行可有遇到怪事？她慶幸地說：「好彩個trip無怪事，但有聽同事講過。」
|
放大圖片
