 放大圖片
■千嬅與嘉賓梁漢文合唱《滾》。
香港文匯報訊 楊千嬅「Let's Begin演唱會2015（廣州站）」上周末假廣州體育館圓滿結束，全場爆滿。這場演唱會原定於今年6月13日舉行，但開騷前千嬅突然病倒才無奈延期。
當晚，千嬅到廣州舉行巡唱第一站演出，老公丁子高、爸爸和弟弟專程現身捧場。演唱會由老友陳奕迅預先錄音的開場白揭開序幕，甫開場響起《可惜我是水瓶座》音樂，千嬅還未出場，歌迷就開始大合唱，到千嬅出場唱《勇》、《狼來了》和《小城大事》等金曲時反應更加熱烈。
千嬅亦為了演唱會要延期向觀眾致歉，並感激歌迷體諒，因他們幾乎零退票以示支持。她又坦言是《野孩子》歌詞中的主角，說：「我呢啲水瓶座嘅人好硬頸，心裡好大樽鹽（尊嚴），尤其是我做artist就仲大支。人生走到雙十年華，唔係雙20，用過去經歷去教仔女，真正成功嘅人，教人唔係自己有幾叻，同埋贏過乜，而係用失敗嘅經驗，所以我好感謝自己嘅過去！好多謝屋企人，爸爸、弟弟和老公，佢哋造就咗我呢個人生。點解媽咪今日唔嚟？其實佢好偉大，佢要幫我睇住囝囝Torres！」千嬅越講越感動，強忍淚水，續說：「又講到好感動，希望快啲繼續去開騷，帶埋囝囝同媽咪嚟！」
「安哥」時段，特別嘉賓梁漢文（Edmond）出場獨唱《七友》，全場哄動，然後他與千嬅合唱嗌交歌《滾》，兩人唱到非常入戲，事後兩人異口同聲道：「嘩！原來唱呢首歌咁傷氣，唱到虛脫頭暈呀！」
|
放大圖片
