 放大圖片
■克勤與祖兒前晚繼續於紅館開騷，豈料險因舞台機關出事。
香港文匯報訊 容祖兒與李克勤前晚繼續於紅館開騷，捧場嘉賓分別有葉詠詩、丁子高和楊千嬅夫婦、梁漢文和太太及吳國敬等。
克勤唱《痛愛》一曲時，尾段湊巧行到升降台附近，正當左腳踭踏着升降位，升降台突然降下，幸好他警覺性高、感到踏空，即回頭望了一望，隨即平行自己再移開腳步，才不致重演林子祥失足跌下升降台事件，連觀眾也替他抹一額汗，高呼：「克勤，小心呀！」。
隨後，克勤對祖兒說：「剛剛我幾乎重演阿Lam林子祥事件，好彩我個人夠鎮定......」，祖兒指幸好克勤最近有健身反應好，克勤聞言笑謂：「又關事？」
完騷後，克勤再談險墜台事件時仍猶有餘悸：「我當時個心離一離，好彩已經唱到最尾一句，所以又冇影響到演出，定返神又冇事繼續。不過我承認我個心當時係有一句粗口，因為其實導演係應該提我，話我知個升降台就打開，等我有心理準備行開，但係佢可能控制台上太多美女令佢分咗心，冇提到。」問克勤公司可有為他買重保險，克勤說：「我真係唔知喎。」但身旁的祖兒搞笑反問：「你寫嗰份保險受益人係邊個？哈哈。」克勤聞言也呆一呆，不知如何回應，及後笑道：「其實我個受益人係你，你個受益人係我囉！呢啲嘢大吉利是，最好梗係買咗唔駛有用啦！」
|
放大圖片
