 放大圖片
（第一場）「淳綵」雖然未出頭，但能在四班多次上名，級數及能力應比一般四五班升降機高，加上暑期轉換環境應該會有變數，馬房全晚獨出此駒，值得高度重視。
（第二場）「歡喜」上季尾除配備後突飛猛進，連續四戰獲三冠一亞佳績，贏完五班迅速攻陷四班關口，實力有重新評估必要，未斷纜前一於繼續追。
（第三場）「龍之欣」呢個路程摘下五W，尤其是上季兩勝的姿態越贏越輕鬆，證明隻馬仲有突破能力，今次操好而臨欣逢對手爾爾，可爭取跨季孖寶。
（第四場）「創出商機」曾四捷並悉數全於同程，屬路程專家，八月尾率先以佳速贏大閘，絕對係好兆頭，今次有黃金一檔如虎添翼，發揮正常，勝望甚濃。
（第五場）「馬上發財」上季贏同程水準高到不得了，皆因蹄下敗將「金匯龍華」和「根深柢固」最近同程包Q，由此可見，只要本身跑出應有水準，在三班惡到暈，屬坐位望贏之材。
（第六場）「過關勇將」雖屬過氣路程專家，但是現時評分已減咗好多，加上最近試大閘走得幾醒神，用到莫雷拉似乎唔似陪跑咁簡單，半冷值博。
（第七場）「澤心星」不足一千磅的細馬仔，型格單薄，休出養足體力是出擊的最佳時機，賽前試閘掄元走勢譽滿欄邊，跑出水準，有機會重溫上季一出即勝的美夢。
（第八場）「醒目名駒」上季取得冠季各一成績，當中獲季軍一役是出自打吡大賽，暑期轉投東廄，證明幕後自視不凡，首回合揀在勝途出戰，擺明要省招牌。
|
放大圖片
