 放大圖片
■曾志偉(左)、錢小豪(右)對於錢嘉樂(中)再做老竇興奮不已。
香港文匯報訊（記者 梁靜儀）曾志偉、錢嘉樂、錢小豪、洪天明、梁靖琪、林國斌、元華、盧惠光等昨日出席「香港動作特技演員公會」記者會，並宣佈2015香港動作特技演員專業課程初班招收學員。錢嘉樂的太太湯盈盈昨日凌晨再誕下一女，身為公會會長的他，昨日笑言一日內做了兩次「老竇」。
身為公會會長的錢嘉樂上台時被司儀崔建邦恭喜他再為人父，嘉樂就笑道：「今日真係發生了好多事，到而家心情仲未定下來，仲畀獎門人（志偉）笑我搞記者會宣佈做老竇，我真係做咗兩次『老竇』，呢個『仔』係同公會生出來。」
錢嘉樂的太太湯盈盈昨日凌晨再誕下一女，再為人父的嘉樂全程笑不攏嘴，他指太太昨晚凌晨睡覺期間突然作動，於是便推醒他，他極速刷牙洗臉、換衫、拿「走佬袋」及開車到醫院，同時又要call醫生及麻醉師。陪太太入產房的他又笑說：「我又要諗啲對白安慰老婆，佢由踢我起身到生出來全程用咗一個鐘零17分鐘，入產房9個字就順產生咗。」
嘉樂大讚細女好聽話，因為昨日要搞「香港動作特技演員公會」的活動，他與盈盈都估計會不會是這日，豈料真的在這日出世，幸好是在凌晨出世，因為自己套戲前日煞科，如果撞埋一齊也不知怎算。
志偉做「爺爺」獲狂恭喜
他透露細女出世重6磅15安士，英文名叫Kassidy，問到是誰改的？嘉樂搞笑說：「你話呢？太太改英文名好尊重我，改啲我應該讀到的，而中文名則未決定，可能會由爺爺改，睇吓會唔會跟個凱字。」嘉樂透露在產房時有親手為BB剪臍帶，更自誇連醫生都讚他淡定：「今次無上次咁緊張，醫生都讚我淡定咗。」問到細女樣子似誰？嘉樂說：「我當然覺得似我自己，細女個樣似家姐，不過媽咪話呢胎唔似佢條氣唔順，（會否送樓獎勵太太？）啲樓寫晒佢名。」他又大讚太太勇敢，入院前後全程自己行，又爆太太見到細女出世感動到喊，反而他這次就沒有喊，因為很緊張。嘉樂又向太太送上愛的宣言：「要珍惜呢三個女人，尤其太太，送了兩份大禮畀我。」問到他會否再生？他指要看太太，因為屋企連同外傭已有四個女人。
錢小豪對於弟弟錢嘉樂再添一女也感到很高興，笑言沒想過會是這一日。榮升伯父的他笑言自己有兩個仔，弟弟就有兩個女，相當高興。他指弟弟近日早要忙於開會，事前已搵定前往醫院的路線。問到他會送甚麼禮物？他說：「都係送啲嬰兒用品實用嘢，待大一點再送其他東西，一係買多幾罐奶粉。」
志偉被問到錢嘉樂再添一女，他就笑說：「個記者會好似為佢生女而設咁，都唔知係咪故意催生擇今日？我們開大會跟他慶祝，（會否送禮給B女？）今日好多人恭喜我，當我是爺爺，禮物當然會送。」問到會否傳授獨門生仔招數予嘉樂？他說：「嘉樂說停一停，畀盈盈個肚休息一吓，嘉樂生女不知幾開心，過多幾年先啦，一次過湊三個好辛苦。」
身為該會名譽會長的志偉，透露公會在嘉樂仔帶領下，重獲當年功夫片、動作片的光輝，開專業訓練課程培育新血，將香港動作電影發揚光大，志偉又笑道：「選人時要當選美般，要選個打得又睇得的新人來栽培。」
梁靖琪開心再當契媽
盈盈好姊妹梁靖琪（Toby）表示自己再榮升契媽好開心，並透露有份參與幫BB改英名Kassidy。問到會否送金器給契女？Toby表示利是一定會有。Toby又指盈盈大肚時已定期幫她執屋，又幫手帶契女去玩，因家姐有三個小朋友，自己湊小朋友好熟手。她又謂已看過B女，覺得似嘉樂夫婦，她搞笑說：「好似有雙眼皮呀。」
|
放大圖片
