 放大圖片
■樂視控股副總裁暨亞太區執行總裁莫翠天（左三）向林峯、謝安琪、廖碧兒、鄭欣宜及王宗堯贈送全新Le TV Box 4K標準版電視盒子。
欣宜謝安琪撐樂視 不怕激嬲無綫
香港文匯報訊（記者 梁靜儀）林峯、謝安琪(Kay)、廖碧兒、鄭欣宜及王宗堯昨日出席「Letv『出大視』發布會」，眾人上台推介該平台及其節目內容，並獲贈全新Le TV Box 4K標準版電視盒子。林峯更表示拍拖節目之一是煲外國劇。
事後林峯表示很開心收到電視盒子，可以看劇集，而他就很鍾意睇外國劇集，還有動畫。問到會否跟女友吳千語拍拖睇電視？他說：「我們最近鍾意睇英、美劇，鍾意英劇演員的演繹方式同製作。（可會爭節目睇？）無，女友反而會『道』我，話邊套劇好睇。」問到他撐樂視活動可擔心無綫會嬲？他說：「無問題，作為電視觀眾當然想有多個選擇，是良性競爭。」
明年和古仔合作拍電影
問到與樂視會否有合作計劃？他表示暫時未有合作計劃，而明年亦未有拍劇大計，都是拍電影，不過之前他拍了一套內地劇，看看會否在樂視播出。久未推出新歌的他，透露剛剛錄完EP，日前並去了韓國拍MV。談到他日前被拍到與古天樂(古仔)相約食飯，問到古仔是否找他傾談拍《尋秦記》電影版一事？林峯未有否認說：「等佢同大家講，主要大家食吓飯。（找你演回秦始皇？）原班人馬我都幾期待。（何時拍？）無咁快，都是明年的事，其他留畀古仔講。」
謝安琪昨日在活動上獲贈電視盒子兼三年英超賽事免費任睇，她表示家中老中青三代都是球迷，會與老公一齊收睇。與無綫有歌星合約的她出席撐樂視，問到可怕無綫小器？她反問說：「難道我去外國出席活動有外國勢力？ 唔使驚弓之鳥，(可怕會對老公張繼聰有影響？) 工作方面我們係個體，係獨立，大家唔同公司，唔使咁大壓力。」早前阿Kay為無綫拍劇集《殭》，問到她可擔心劇集推出會被樂視搶收視？她認為節目質素好重要，是好的良性競爭，而她對劇集有信心。至於樂視若開拍劇集可會考慮？阿Kay指太長遠無想過。
同樣與無綫有歌星合約的欣宜，被問到可擔心激嬲無綫？她說：「唔擔心，我係飲TVB奶大，而且係經理人安排出席，應該無問題。」
廖碧兒視網膜脫落做手術
另外，久未在港露面的廖碧兒，表示上周去驗眼時發現視網膜脫落，即時要做手術，她謂每年都會去驗眼，但之前都無事，只是眼睛易乾，但當日檢查驗了三個鐘，都心知不妙，醫生指她的視網膜有個窿，要立即做手術，幸好已沒大問題。剛拍完馬來西亞電影及新加坡劇集的她，被問到可想返港拍劇？她渴望的說：「當然想，因家人都在港，(無綫可有找你回巢拍劇？) 唔知TVB有無搵，如果搵當然拍，最緊要有好劇本。」
|
放大圖片
