 放大圖片
■占摩利斯上周五來港舉行新作發佈會。
彼思（Pixar）動畫製作室總裁占摩利斯（Jim Morris），上周五來港舉行新作發佈會，會上同觀眾分享彼思未來兩年的四部新作品，包括安排於2016年上映的《恐龍大時代》（The Good Dinasour）及《海底奇兵2》（Finding Dory），以及於2017年放映的《反斗奇兵4》（Toy Story 4）及《Coco》。占摩利斯於2005年加盟彼思，工作10年。負責主管彼思的長片及短片製作、DVD內容，以及主題公園活動，同時管理彼思的電腦軟件工具、系統和開發，以及人力資源部。曾監製迪士尼．彼思的奧斯卡得獎作《太空奇兵．威E》，並榮獲美國監製公會頒發年度動畫電影監製大獎。
《反斗奇兵4》將於2017年放映，發佈會中只透露薯蛋頭、彈弓狗同三眼仔等大部分角色均會陪伴胡迪同巴斯光年回歸。對於《反斗奇兵》在大家心目中已經畫上完美句號，問占摩利斯表示再拍續集面臨最大挑戰是因覺得可以比前作更好，繼續拍係因為真係有靈感，而且跟原本的《反斗奇兵》系列好唔同。
《海底奇兵》亦會返來，不過今次由大家都好鍾意嘅失魂魚多莉擔正做主角！當然馬倫和Mo仔兩父子都會再度登場，陪同老友多莉一齊去尋找她的神秘過去，揭開身世之謎！究竟多莉對自己的過去記得幾多？誰是她的父母？她到底點樣學識鯨魚話呢？
《海底奇兵 2》由首集導演安德魯史達頓 (Andrew Stanton) 再度執導，這位金像級導演先後憑《海底奇兵》(Finding Nemo) 和《太空奇兵．威E》(Wall．E) 兩度榮獲奧斯卡最佳動畫大獎，招牌新作絕對令影迷期待。在首集聲演多莉的女名嘴艾倫狄格納絲 (Ellen DeGeneres) 亦會再度回歸，與一眾新舊搞笑紅「聲」一起傾力演出，預定2016年暑假游上大銀幕，又再展開一次驚喜無限的刺激好玩深海大冒險！
■文：Ivy
|
放大圖片
