 放大圖片
■歐陽震華和萬綺雯、王浩信、黃心穎、陳煒、楊詩敏及泰臣等出席新劇《東坡家事》記者會。
香港文匯報訊（記者 梁靜儀）歐陽震華（Bobby）和萬綺雯（蚊蚊）、王浩信、黃心穎、陳煒、楊詩敏及泰臣等，昨日出席無綫新劇《東坡家事》之「家有喜事」記者會。王浩信承諾，若收視過33點就會效法台灣男星王大陸裸泳慶祝；Bobby亦附和願意奉陪，更笑說：「我會落到水先除褲，然後將條褲夾在腋下。」心穎則不敢裸泳，表示要諗些新意。
昨日劇中眾人以古裝造型出席，Bobby玩迎親遊戲時嚇得蚊蚊將手上的生果倒瀉，之後Bobby又當眾吻蚊蚊，不過是用手掌隔住的。其後再玩食水泡餅遊戲，單立文更將水泡餅舔過才讓兩人吃，十分嘔心。
黃心穎骨重難抱起
王浩信與心穎BB拍劇時曾傳出緋聞，昨日兩人影合照時，王浩信對提議抱起心穎亦拒絕，問到他為何不抱起心穎？他指因為心穎很重：「佢骨重！之前在上海有場戲講佢中毒要我抱起佢，但她的重量係我想像之外。」心穎不諱言去上海拍劇時的體重較此劇剛開拍時重了不少。王浩信笑指她愈來愈似Bobby，反而他因為要除衫摔跤，那段時間都只是聞食物，好似靈界朋友。
問到對收視可有信心？心穎表示拍的時候很開心，相信觀眾都會睇得開心。問到王浩信若收視有33點可會露三點？他反問：「嗰三點點計先？呢排操弗緊，之前王大陸係咪裸泳？諗諗先。」問到心穎有什麼提議？她說：「要諗些新穎的。」王浩信就提議她倒立飲汽水，相信觀眾會好期待。
蚊蚊認頭做啦啦隊
Bobby受訪時被問到咀蚊蚊不怕對方的老公陳十三會嬲嗎？他笑說：「我識佢老公，佢老公個個唔信都信我唔會夠膽啦，我們好識知書識禮，唔會行差踏錯！」《東》劇下周一播映，問到他們對收視可有信心？Bobby笑說：「有信心過20點，(贏深夜重播就得？）現在收視幾多先算高？(27、28點？ ) 現在收視唔可以作標準，我同蚊蚊兩個已經贏口碑，(可有信心贏同日播出的《梟雄》？ ) 無話贏定輸，都係為觀眾開心。」至於蚊蚊就認頭到時做啦啦隊，問到會否着比堅尼？她表示可以考慮，裸泳就不會了。
Bobby又自爆早前在內地的荒山野嶺拍戲時，突然人有三急，其間突然有旅遊巴駛過，他的助手即好醒目用傘擋住他的重要部位，不過他就覺得遮錯地方：「我同助手講話遮我嗰度無用，遮住我個樣，嗰度當豪俾吽A好彩架旅遊巴離我好遠。」
|
放大圖片
