 放大圖片
■歐陽震華拖實現實及劇中老婆。
十幾年無獎落袋 想攞「飛躍進步獎」
香港文匯報訊（記者 梁靜儀）歐陽震華（Bobby）前晚宴請無綫劇《東坡家事》一眾演員及幕後工作人員食飯兼睇劇集首播，Bobby笑言已事隔十幾年無得獎，希望得到「飛躍進步男藝員獎」，若得獎就同TVB簽多五十年約，坐着輪椅都回來拍劇。
前晚出席飯局的有歐陽震華、萬綺雯（蚊蚊）及黃心穎等，而Bobby的太太亦有出席。問到Bobby可有信心同黎耀祥（祥仔）爭視帝？他笑說：「我點同佢爭？我點爭都唔夠佢多？佢個底咁厚，年年都係佢，我已事隔十幾年無得獎，無進步好多年，所以我只係想拎個『飛躍進步男藝員獎』鼓勵自己，我要簽五十年TVB，坐住輪椅都返來拍。」
Bobby又笑謂希望可以同蚊蚊一齊得「飛躍進步藝員獎」，不過她得獎後要簽約七十年，原本表示要為歐陽震華做啦啦隊的她就反問：「畀返幾年我陪老公都唔得？」她承認每次簽約前都會先問老公意見。
首次演古裝劇的黃心穎，表示很期待收看自己的演出，並已叫齊家人收睇，而她對收視及口碑亦有信心。對於蚊蚊笑言不爭視后，想得「飛躍進步女藝員」，入行三年的心穎表示去年也有份提名該獎，今年都希望有提名，但如果蚊蚊是對手就不敢跟她爭，問到是否讓蚊蚊？她笑說：「唔係讓，唔使我讓，佢都會贏我。」
兩劇首播收視創佳績
另外，《東坡家事》前晚播出第一集平均收視為25點（約162觀眾收看），最高26點(約168萬）；而另一部台慶劇《梟雄》首集亦錄得平均26點（約168萬），最高達27點（約175萬），是最近首播最高收視的劇集。
|
放大圖片
