 放大圖片
■Chilam早前接受汪曼玲專訪。
香港文匯報訊 張智霖（Chilam）早前接受有線《星級會客室》訪問，與汪曼玲細談廿五年的演藝成就。
出道廿五年，Chilam自覺星途非常幸運，「我的事業其實無經歷過大起大落，一直碰碰撞撞遇到好多好劇本、好角色、好音樂、好團隊。雖然中間有段時間我放低咗工作，但我唔認為係低潮期，因為當時我選擇去專注家庭，體驗生活，睇住小朋友長大係一個非常享受的過程，過咗就搵唔返。」談到電影發展成績平平，Chilam樂觀面對：「我係天生好感恩的人，唔會強求做唔到的事，反而我會感恩自己其他方面好似唱歌、拍劇等，有咁多人欣賞已經好滿足。我每次都會全情投入去拍，就算成績唔理想，我都唔會太介意。」
將初執導演筒
Chilam和袁詠儀結婚初期曾被外界指「女尊男卑」，對此言論，Chilam有另一套看法，「我成日覺得要鬥就同外人鬥，唔係同家人鬥，如果太太事業有成就，我應該戥佢開心，唔通你想太太一蹶不振？夫妻就係要互相扶持，我唔會着眼於別人的眼光。」結婚十五年，二人恩愛如昔，全因他一套維繫感情之道，「我成日會想像如果有一日我失去咗吽A會有幾痛苦，既然現在兩人可以牽住手，就要把握每一日，好好珍惜呢種幸福，千萬唔好有怨言。」
Chilam透露未來將會初嘗做導演的滋味，「我希望可以作新嘗試，我拍戲的經驗來自同好多出色的大師、導演合作，從他們的身上偷師。其中王家衛導演對電影的熱誠，對細節的要求，我覺得好值得學習。」
|
放大圖片
