 放大圖片
■千嬅首次踏足新加坡開騷，觀眾反應熱烈。
香港文匯報訊 楊千嬅日前飛赴新加坡舉行「Let's Begin世界巡迴演唱會2015」，全場爆滿。這是千嬅出道20年以來首次在當地開騷，心情特別興奮，「廿四孝老公」丁子高更貼身打氣，大晒恩愛。
今年是千嬅出道20周年，於是她舉行世界巡迴演唱會來紀念這個「雙十年華」，上周末千嬅首次踏足新加坡開騷，一口氣唱了《勇》、《狼來了》、《可惜我是水瓶座》、《野孩子》和《小城大事》等金曲，觀眾反應熱烈，揮動熒光棒大合唱，其間不少歌迷送她禮物。
為了今次演唱會，千嬅特別準備幾套新歌衫，而且還秘密練習新加坡男歌手林俊傑（JJ）的作品《她說》來冧歌迷，觀眾非常受落，令她很開心。其實令千嬅開心的事還有老公丁子高赴獅城陪伴左右，在後台幫忙打點，貼身支持，當然冧爆。丁子高在開騷前更上載與千嬅的後台合照大放閃光彈，相中他輕攬老婆纖腰，千嬅則甜笑，二人頭貼頭，大晒恩愛。
欣賞新加坡唱作人
演唱會後，千嬅表示：「入行20年，今次都係第一次去新加坡開演唱會，好開心，好興奮。之前我去新加坡通常為咗電影宣傳或者品牌活動，以為佢哋只認識我做演員嘅一面，不過當我喺演唱會上唱自己嘅歌，觀眾好有反應，佢哋唔止認識好多我嘅歌，仲好鍾意，會跟住大合唱，令我好開心和有滿足感。今次演出場地係一個劇院，感覺就好似當年參加『新秀』嘅場地同氣氛，同觀眾好close，感受到佢哋好熱情。」她表示為了新加坡站巡唱，特別選唱當地歌手的作品，說：「我一向都好欣賞新加坡嘅唱作人，所以今次特別選唱佢哋嘅作品，最希望梗係快啲有自己新國語歌。不過，現在我最期待係全新廣東專輯，因為已經錄好晒啲歌，希望快啲面世！」
|
放大圖片
