 放大圖片
■黃翠如與蕭正楠行紅地氈，惹來在場人士大叫「咀佢！咀佢！」，翠如就擺出V字手勢。
香港文匯報訊（記者 吳文釗、梁靜儀）洪永城(Tony)與黃翠如的緋聞昨晚被擺上枱，而Tony在台上亦笑指公司不准兩人一齊做節目。事後Tony表示只是開玩笑。對於有傳無綫安排他與翠如明年做奧運？他表示未知，但自己就好想去。談到他明年主持的旅遊節目《在那遙遠的地方》想帶翠如還是女友唐詩詠去？他笑說：「唔知邊個鍾意去，詩詠未必鍾意，詩詠鍾意去另類的地方，鍾意自駕遊，我鍾意捐山窿。」
黃翠如與男友蕭正楠昨晚拖手行紅地氈，被現場的人起哄叫他們錫錫，不過兩人都怕醜而拒絕。近日翠如與Tony的陳年緋聞被翻炒，她表示假的不怕講，真的就唔好。翠如又稱無嬲Tony，只是在唐詩詠面前話了他幾句，並自爆與詩詠因此而變成朋友，經常一齊去做瑜伽及食嘢。蕭正楠被問到女友經常與Tony傳緋聞可會尷尬？他笑說：「唔尷尬，開始慣。」記者提議他即場向女友求婚杜絕緋聞？他與翠如均異口同聲表示事業心重，要畀心機工作。
黃宗澤大方去飲
黃宗澤的前度女友胡杏兒近日宣佈下月嫁人，杏兒更表示會請他飲。問到Bosco會否去飲喜酒？他帶笑說：「梗係啦，唔係唔請呀？如果人在香港會去。(網民提議你搶新娘？) 拍戲咩？你估《上海灘》許文強年代。」問到杏兒嫁人了，有否酸溜溜？ Bosco搞笑地說：「睇吓當晚食咩，有糖醋排骨咪酸囉。」對於網民指他的舊歌《最後祝福》是其心聲？ Bosco指首歌已經是幾年前，兩者無關係。
鍾嘉欣去年減產，而明年則有三部劇之多，她表示原則上只得兩套半，因為《巨輪II》只是客串幾日。問到可有增強得視后信心? 嘉欣表示沒有想過，只享受拍劇的過程及做好本分。
|
放大圖片
