 放大圖片
■大會安排失明人士上台為眾藝人按摩。
香港文匯報訊（記者 梁靜儀）蔡國威（威仔）、李麗霞（黑妹）、李霖恩、喬寶寶、漢洋及譚嘉荃等，昨日到西九龍中心出席《娛樂圈．9》MV暨「星濟義工團」發佈會，陳蕊蕊、陸詩韻及可嵐等則到場支持。
MV中，威仔以熒光綠色泳褲上陣，十分搶鏡，他表示這是入行以來首次着泳褲出鏡，拍攝前衝破心理障礙，他笑說：「因為大家想MV搞笑啲，所以有好多騎呢動作，加上係我人生第一首歌同第一個MV，於是就豁咗出去。」為求以最佳狀態演出，威仔表示拍攝前兩、三個星期戒吃澱粉質，但由於不夠時間，自覺小腹位仍有少少脂肪未夠弗，他說：「要有馬甲線及八嚿腹肌才好露，不過以我咁嘅年紀都算係咁。」
威仔是亞視藝員，問到會否因此而令MV不能在無綫播出？威仔話：「我哋有傾過，家寶（葉家寶）話冇所謂，或者突破啲我個樣打格仔，下面就唔使打。」威仔表示這次特登揀條熒光綠色泳褲是貪其夠sharp，問到可接受着泳褲行騷？他稱：「夠膽搵我都OK，再幼邊都得，但T-back就唔得，夠膽搵我夠膽着，放馬過來啦。」
|
放大圖片
