文匯精選：飛龍駒大摩再益阿滇

放大圖片

近期話題，當然係講莫雷拉騎「首飾太陽」空中轉鞭�黚咱G其技，雖然隻馬輸�驉A但騎技之高，足以俾網民熱論一番，聽聞絲粉有遠至巴西，即雷神舊粉絲對呢個網上話題亦有回應，可見雷神幾咁受馬迷愛戴。講番呢場樂聲盃，頭馬主角係鄭雨滇所騎「飛來猛」，據知，大摩睇到鄭雨滇發揮「飛來猛」咁出色，賽後見到傳媒，亦好少有咁當人面前誇讚呢位本地薑，大摩對傳媒講，目前一批華將，最信任係梁家俊同鄭雨滇，其實，唔知大家有冇印象，鄭雨滇曾經替大摩退�鬻訄式u勁闖」贏過國慶盃三級賽，佢一早經已重用過鄭雨滇，不過，鄭雨滇後期多停賽，及大摩可用騎師實在太多，所以先至無合作。鄭雨滇贏完呢場「飛來猛」，大摩讚完鄭雨滇，即刻�鰫O次夜賽再有支持，呢隻就係「飛龍駒」啦。

「飛龍駒」由於有隻泥地怪傑「準備就緒」上陣，今次只係負一一三磅，所以唔用華將跑呢隻馬都唔得，事關唔係好多騎師可以做到咁低磅。當然，「準備就緒」跑六次泥地一哩，六次都未輸過，要「飛龍駒」撼佢，無可否認係以卵擊石，但呢個世界，未必跑唔到第一就輸錢，其實跑第二都可以收到盤滿缽滿，點解咁講，呢場大家即使有馬膽「準備就緒」，不過要諗隻配腳出�薄A真係唔易，再睇大摩呢場出三隻馬，仲有「活力歡騰」及「同個夢想」列陣，前者仲要比「準備就緒」負重一磅，以一三三磅掛頭牌，大摩通常出動馬海戰術�麚鶠A佢又邊有咁神心替人作嫁衣棠。「飛龍駒」上周末大摩決定交由鄭雨滇執韁後，周日晨課完畢，摩廄領班梅姐立刻搵鄭雨滇入倉睇馬，而呢朝早並唔係由鄭雨滇操佢，馬房用楊啟棠踱步，操後後同上頭報告話隻馬好弗，所以今次呢隻「飛龍駒」，班馬房手足都話係大摩有心益鄭雨滇。