|
姚本輝馬房在今次跑馬地夜賽共有五駒列陣，練者期望各駒均有好表現，可連場進入凱旋門。
剛戰在快活谷四班千二米參戰，於梁家俊胯下贏得在港首場頭馬的「馬狀元」，今仗在贏馬路程再上陣，姚本輝說：「隻馬質素唔差，來港前有好戰績，抵港後在上季開始上陣，表現一般，直到今季始納入正軌，因為隻馬腳部曾有問題，需要休息一段時間而影響進度，目前已受到控制開始進步，季內出賽三次越戰越勇，上仗能夠贏馬有點幸運，因為在末段於內欄受困，梁家俊相當醒目，立即移出外疊搵位，當搵到空位便交出凌厲的衝刺，以短距離壓倒對手險勝，復課狀態持續進步，期望可乘勇再下一城。」
剛戰在快活谷五班千八米參戰，跑入一席第三，首次上名的「鼓浪飛星」，今仗在同程再戰，姚本輝說：「隻馬的同父系馬在港普遍有好表現，質素唔錯，本身較遲熟，踏入今季成熟程度漸足，以其實力在五班是有優勢，上仗為牠改變配備除去羊毛面箍及頭罩，首次戴上眼罩，果真憑新鮮感有好演出，質新馬不斷進步，今次只要發揮出水準，相信已有贏馬機會。」
|
