 放大圖片
香港文匯報訊（記者 梁靜儀）無綫近年經常被人鬧節目不好，劇集不好，有善意批評也有惡意中傷，不過近期台慶劇及台慶節目收視都報捷，《萬千星輝賀台慶》收視最高達34點，觀眾人數超過三百二十一萬，平均收視有30點，成績理想，昨日特別舉行祝捷會慶祝，而下周四及五則舉行盆菜宴，為自己鼓舞一下士氣！過百藝員出席，包括陳百祥(叻哥) 、江美儀、麥明詩、唐詩詠、黃長興及陳庭欣等，而台慶當晚麥玲玲因提早離場而錯失中獎機會，帶挈後補抽中的于淼得到100萬獎金獎品，昨日兩人甫見面即傾個不停。
台慶當晚抽中20萬元獎金獎品的唐詩詠，在台上笑指得獎後平日很難約到食飯的朋友，現時一約就約到。事後受訪時，提到其男友洪永城在新劇《實習天使》中，為岑麗香急救時要除去對方的內褲及取去棉條，詩詠聞言即十分驚訝地說：「吓，係咩？真係㗎？真定假？沒睇呀，TVB靠佢呢樣攞收視？」問到男友可有幫她買女性用品？她說：「好怕男仔買，自己唔會要求，亦都無男仔主動咁做，除非好突發痛到落唔到床，這些私人事應自己做。」她又謂會翻睇那一幕，都未試過咁刺激的劇情，自己都未試過，看看怎樣做，因為都幾難做。問到洪永城事前可有向佢請教？她笑說：「冇喎，可能佢已有經驗呢？」
美儀唔信陳煒蚊蚊積怨
由亞視過檔無綫的江美儀，對於陳煒(煒哥)當年在亞視因被萬綺雯(蚊蚊)指她似臨記而積怨多年，美儀聞言說：「吓？ 點解呢？ 我無聽過(傳聞)，蚊蚊都唔會鬧人，係咪誤會咋？ (以你所知她們關係怎樣？ )無乜嘢，OK喎，其實我們幾個關係幾好，一家人咁。」說到蚊蚊直言煒哥不屬她的朋友圈子，美儀認為朋友有好多種：「會唔會撥咗去同事而唔係朋友？(會否拉攏兩人冰釋前嫌？)首先我唔信呢件事，所以唔需要咁做。」江美儀坦言跟煒哥較傾得埋，她在煒哥十六歲時已經認識對方，當年一同參加台灣交流團，在台灣玩了廿一日。問到煒哥可有向她透露為此事感到不快？ 她指平日大家都是吃喝玩樂打麻將，很少會講這些。問到她會否覺得選美出身的女仔比較多是非？提起選美美儀即表遺憾說：「我都唔知幾鬼恨去選，因我爸爸唔鍾意我着泳衣，我早知唔聽佢講，而家仲着得勁些，底衫褲都係咁着，何止泳衣！」
黃長興將再為人父
另外，即將再為人父的黃長興，透露太太已懷孕三個半月，他笑說： 「三年抱兩都係計劃之內，但今次太太知道懷孕後有少少唔開心，因為timing唔好，佢想生大B，擔心生細B報學校會困難。」他指太太今胎佗得比第一胎辛苦，晚晚都作嘔，故懷疑今次係佗仔。問到他想太太生仔還是生女？他坦白說：「如果係仔就收工，唔係就要再追。（想學陳豪？）追唔到，佢太快喇！」
|
