 放大圖片
■方力申與盛朗熙在《紀念日》中有咀戲。
香港文匯報訊（記者 梁靜儀）方力申(小方)與新人盛朗熙(Joy) 為電影《紀念日》接受訪問，戲中阿Joy的出現成為小方與鄧麗欣(Stephy)鬧交的導火線，阿Joy更透露與小方有咀戲，為免Stephy會嬲，她笑言事前主動同Stephy傾偈，認錯先。
小方表示《紀》片不再圍繞年輕男女的愛情故事，是講他與Stephy飾演的兩夫妻結婚十年，感情開始變淡，爭執變多，更因此發生背叛，但不是單單第三者就可以破壞到。戲中飾演人夫的小方，解釋與阿Joy擦出火花，除了是因為她比太太年輕外，還有一個原因，就是男人年紀愈大就越需要人稱讚及尊重，就像他的爸爸隨住年紀愈大，有時也會對他說：「你哋依家巴閉啦，出嚟做嘢，唔聽我講。」阿媽就會叫他讓一下爸爸，話晒他也是一家之主，而很多時一對關係耐了就會少了稱讚對方，所以戲中阿Joy對他的稱讚，令到他的存在感變得強。
現實中小方與Stephy拍拖十年，問到女友是否很少稱讚他？他隱晦的說：「日常生活中各自都有人讚，唔需要靠對方，但都會搵位讚對方，我會讚佢打排球真好呀，畀心機去練啦，佢就會讚我今日做到十吓掌上壓好犀利。」他覺得在一對關係中，不要吝嗇稱讚對方的說話。
心底話不敢說
他指戲中某些情節反映現實，好多說話拍戲才敢講，現實中講了就收不回，令他最深刻一句對白是：「『你估你真係好易頂呀？』呢啲現實中梗係講唔到啦。(心裡想講？ ) 心裡歸於心裡呀。」問到他是否借今次拍戲將不滿發洩出來？他擺網民上枱說：「唔係發洩我自己，係有好多網友留言，話我講咗妢Q講句嘢，當然網友可以咁講，我有頭有面梗係唔可以講自己想講呢啲說話啦，我生活不知幾幸福快樂。」
小方指這十年有很多變化，身邊很多朋友都已結婚生仔，他自己的感情又何時才有變化？他說：「都係咁sweet，適當時候先，有時好大壓力，這代的年輕人好怕壓力。」雖已屆適婚年紀，但小方不諱言被人迫婚，他否認是被女友及家人迫婚，只是傳媒關心他，向他迫婚。
阿Joy表示戲中有場戲要吻小方，問到Stephy可有來探班？她笑說：「好彩無(可怕Stephy會嬲？ ) 我有啲緊張，因第一次同小方演戲，唔知個底線，怕他會嬲，嗰場戲拍咗五、六次。」小方笑指男仔被女仔吻怎會嬲，阿Joy就指她因為已有Stephy。問到小方為何不叫導演加親熱戲給他，他坦言不敢，原因是怕導演會出賣他向Stephy匯報。阿Joy又透露拍攝前自己主動與Stephy傾偈，認錯先。小方指Stephy都看過他們這場戲，都沒有特別去問。問到Stephy與恭碩良在戲中又可有親熱戲？他笑指若有的話他就不會宣傳，連首映都不去，因女仔對這方面好好奇，但男仔就好少問但會小器。
|
放大圖片
