 放大圖片
■張晉前晚與太太蔡少芬恩愛拖手看首映。
香港文匯報訊（記者 梁靜儀）張晉日前為電影《葉問3》接受訪問，戲中他飾演張天志，跟飾演一代宗師的甄子丹更會有埋身對打戲，兩人將詠春的六點半棍、八斬刀及拳腳展示出來展張晉亦表示對這場戲好期待。
說到戲中張天志為求達到理想會用極端手法，張晉就有深切體會，他說：「做犯法的事一定不對，但急於求成的心態其實我都可以理解，因為我初出來奮鬥時都係想快點做到成績，達到目的，都有呢個過程，但張天志錯在太極端。」他謂其中有一場戲是張天志跟記者講，點解他不可像葉問一樣出人頭地，而當時張天志的景況已去到一個絕境，這場戲是他較為喜歡的：「就像我在北京跑劇組，每套戲都用心去演，但都打唔開道門，甚至乎覺得做極都無成績呢？所以我好理解角色的困境。」說時感到身受。問到當時有甚麼令他堅持到？他笑說：「係無辦法，但有幾樣係一樣都不能少的，宗教信仰、家人、朋友加埋自己的毅力，因為人的意志真係好有限，身邊人當然好緊要。」面對起起跌跌的際遇，他現時回想起也是好事：「過程當中我係成長，都係一件好事，如果當其時唔經歷就要𠵱家去經歷，如果𠵱家經歷就未必承受到，對於心態或做戲都係好，唔似以前急於求成。」他認為人生過程有好多關，就像做戲般，有時覺得好容易，有時會覺得好困難。
|
放大圖片
