 放大圖片
■甄子丹（左）及譚耀文一同現身為《葉問3》謝票。
香港文匯報訊 天馬電影年度壓軸大片《葉問3》將於本月24日上映，飾演葉問的甄子丹及譚耀文昨日到朗豪坊戲院為電影優先場謝票，除吸引大批傳媒採訪外，影迷為一睹眾人的風采，將電影院逼得水洩不通，場面熱鬧。
「宇宙最強」甄子丹與譚耀文現身電影《葉問3》謝票活動，首次在香港為電影向觀眾謝票的子丹心情大靚，對觀眾的要求有求必應，又即席跟在場觀眾自拍及簽名，場面相當熱鬧。子丹又說要親身呼籲大家入戲院支持華語功夫片，他之後會到台灣和內地宣傳，聖誕節會有一日假期，到時會和家人一起過，又想一家人去欣賞4D版。他說：「香港謝票係近幾年先流行，我覺得係應該來多謝觀眾，呼籲大家入戲院睇。」譚耀文提議對方帶子女欣賞4D版《葉》片，子丹即笑謂：「我都想睇，吐口水係咪真係有口水吐落塊面？老闆黃百鳴話好堅，《葉》片係第一部4D的功夫片。」
唔擔心《葉》票房
問子丹對票房有沒有信心？他指葉問系列有一定擁躉，首映後的口碑都好好，雖然同期有《星球大戰》這個強勁對手，但因為他有份演出《星戰》第八集，所以希望兩部電影都有好票房。子丹說：「對我來講，最好兩邊都好，而觀眾都應該有得揀，中、西兩餐都可以食。」
甄子丹有感現今社會有很多不和諧，《葉問3》正好能發放正能量，大家看完之後都會有所反思，問到是否真的開拍《葉問》第四集？他說：「講吓啫。（唔係一路拍落去？）睇吓點先，好多事不能急，係需要醞釀，加上要各方配合，電影係講teamwork，有時可能係劇本未寫好或導演未諗到方向，當大家覺得係時候就應該要拍。（唔怕又再等五年？）如果真係要等都要等，觀眾係最緊要，觀眾想睇先會拍。」
印花
天馬電影現送出《葉問3》戲票30張予《文匯報》讀者，有興趣的朋友請剪下文匯報印花，連同貼上$1.7郵票兼註明「娛樂版《葉問3》戲票」的回郵信封，寄往香港仔田灣海旁道7號興偉中心3樓《文匯報》，數量有限，先到先得，送完即止。
|
放大圖片
