 放大圖片
■黃夏蕙為愛郎潘炳烈筵開80圍慶祝80大壽。
香港文匯報訊（記者 梁靜儀）黃夏蕙愛郎潘炳烈前晚筵開80圍慶祝80大壽，當晚不少圈中人到賀，包括夏蕙姨好姊妹祥嫂（洪金梅）、契仔黃竣鋒、苟芸慧、譚炳文及劉錫賢等，門口更擺放印有「壽星公」後生拿獎杯的相片做來賓簽名佈景板，兩旁更有幾張潘生與夏蕙姨的合照。
祥嫂前晚到場後便與譚炳文密密斟，記者欲與祥嫂做訪問，她表示沒有預備而婉拒，並祝大家新年快樂。
夏蕙姨前晚滿場飛招呼賓客，及後接受訪問時，問到她送什麼禮物？她說：「送咗個心畀佢，本來唔想送，但禮貌上要送，送咗隻幾十萬嘅鑽石金手錶畀佢，不過佢都唔係好鍾意。（咁佢鍾意乜？）佢鍾意賽車，佢人生乜都有，淨係鍾意賽車。（送架跑車畀佢？）佢一早有啦。（送香吻？）唔使喇，年紀大。」近日正為了到黃大仙上頭炷香造型費煞思量的夏蕙姨，透露想襯返今年的生肖，打算用活潑、可愛的猴子造型，希望大家開心。之後司儀劉錫賢安排潘炳烈及夏蕙姨上台影合照，影完相落台時潘生更細心地扶着夏蕙姨。
苟姑娘賽車減壓
近年愛上賽車的苟芸慧（苟姑娘），因為參加賽車而認識前輩，前晚亦有到賀。苟姑娘透露現正跟師傅學賽車，希望有機會代表香港參賽，雖然知道有些難度，因為要自小訓練，但無事是無可能的，自己會盡力朝着這方面努力，而且賽車可以幫到她減壓。問到不怕賽車有危險嗎？她說：「做咩都有危險，我鍾意刺激，（揀男友要識賽車？）賽車時大家都笠住頭套，好難睇到個樣，（樣子好重要？）都要知咩樣。」苟姑娘早前因甲狀腺問題令情緒低落及身形暴脹，但前晚見她清減不少？苟姑娘聽到大家的稱讚即笑說：「好開心，冇去磅瘦咗幾多磅，現在好返喇唔使再食藥。」
|
放大圖片
