 放大圖片
■翁靜晶(左)難忘14歲那年已對劉家良一見鍾情。
香港文匯報訊 翁靜晶早前接受有線節目《往事．並不如煙》訪問，與主持吳綺莉剖白劉家良對她的影響，以及如何與丈夫走過抗癌之路。
翁靜晶自小便是童星，個性早熟，提到與劉家良的緣分，她至今仍難忘14歲偶遇對方的一刻，「當時我坐住架車，停喺一間酒店門口外，我見到一個拎住公事包嘅男人，我認得佢係劉家良，我哋互相對望咗好耐。」翁靜晶自言當時已對劉家良一見鍾情，直至兩年後在化妝間重遇劉家良，愛情便自然地發生。「我愛佢嘅一切，我同佢嘅愛情係無可比擬，只要睇到佢張相、聽到佢把聲，我已經好開心。」翁靜晶不理旁人對這段感情的謠言，20歲下嫁比她大30年的劉家良，「我知佢唔只一房太太，我同佢元配太太關係好好，佢知道我有咗劉師傅小朋友後，就決定成全我哋。」
面對外間連串的疑問，翁靜晶對吳綺莉直言：「你都唔願意為錢出賣自己嘅嘢，點解我會呢？我只係想要一個愛我嘅丈夫，劉師傅識我之前有幾多女人都好，佢識咗我之後就只有我一個。我成長過程動盪，係佢嘅正直、重情令我明白人性有美好一面。」不過翁靜晶坦言劉師傅是容易呷醋的男人，「試過有次撞到近藤真彥，咁啱我要拎啲嘢，佢就幫我拎住手袋，劉師傅見到即時衝過嚟問夆筍均A我當時好嬲，我都未問佢攞簽名！」她表示年紀漸大，劉師傅明白她是不會離婚的，因此對她逐漸放鬆，甚至對兩個女兒亦很包容，「初時知道兩個女嘅男朋友都係洋人，佢好擔心，後來慢慢接受，佢太愛我哋，每次都改變自己去接受我哋，所以我可以話我嘅婚姻係全世界最好。」
曾萌輕生念頭
劉家良患癌病期間，翁靜晶仍積極面對，希望跟丈夫一起戰勝癌魔，「醫生話佢最多捱多兩、三年，最後佢捱多廿幾年，證明無嘢係唔得，心情好重要，我哋成日討論死亡，又唔會瞞住兩個女，正面去面對件事。」直至劉家良離世，翁靜晶坦言曾想過輕生，「當時我崩潰了，返到屋企所有嘢都一樣，只係佢唔喺度，我攬住兩個女，其中一個囡囡提議跟爸爸一齊離開。」幸好當時她得到寺廟主持的幫助，逐漸平復心情，亦明白可以為死後的劉家良做點事。「死咗嘅人係最完美，無人可以係劉師傅，佢永遠係經典、最好。」
|
放大圖片
