 放大圖片
■安仔與導盲犬合作拍攝。
香港文匯報訊（記者 梁靜儀）許志安（安仔）昨日到清水灣為健康產品拍攝廣告，安仔表示廣告商原本想找他與飼養的狼狗Lucky一起拍攝，但因愛犬已經年紀大又怕出鏡，所以最後改為安排他與導盲犬合作。安仔又大讚導盲犬很乖，而Lucky就好貪玩。
安仔透露Lucky近日如廁有問題，因他要到上海工作，所以由傭人帶牠去睇醫生：「工人姐姐話帶Lucky去個小便就要四千幾蚊，好貴，但無辦法，心痛佢，唯有勤力工作賺錢，依家冇事，佢『老人家』係要照顧多啲。」愛狗如命的安仔，又透露買了張新床給Lucky，又會多帶牠出街。問到Lucky喜歡跟他還是太太鄭秀文？安仔笑說：「佢好醒，聞到陣味知邊個有小食。」
成為品牌首位代言人的安仔，表示被揀中的原因可能是與他的形象符合有關。問到他是「住家男」還是「暖男」？他聞言即笑說：「暖男好似有啲怪，兩個我都唔想要，（小鮮肉？）嘩......仲驚。」
若打入決賽照唱廣東歌
安仔有份參加的內地節目《中國之星》即將進入決賽。安仔表示如果今個星期一集能過關就入到決賽。問到可有信心？他說：「好難講，但我想趁呢個舞台畀啲新鮮感觀眾，相信觀眾會get到我嘅熱誠，（若進入決賽會否唱廣東歌？）一定會，呢個係我最後嘅努力。」
另外，談到日本男子組合SMAP解散，除了木村拓哉仍然留在尊尼事務所外，其他四名成員中居正廣、稻垣吾郎、香取慎吾及草弓剪剛將隨經理人離開。安仔聞言大嘆可惜：「據我所知，日本好少藝人會跟經理人走，太可惜，佢哋咁有代表性，不過散一散之後可能都有機會再走埋一齊演出。」
|
放大圖片
