 放大圖片
■夏雨大搞爛gag，令眾人忍俊不禁。
香港文匯報訊 由李司棋、石修、李尚正及鄺芷凡主持的有線全新飲食節目《食得有法「補」》邀請藝人、名廚、中醫師、營養師交流進補飲食心得。節目開鑼，找來夏雨及湯怡擔任嘉賓，大談健康之道。
首集以補腎為主題，談到腎虛特徵，夏雨只中了一項，看來腎臟仍十分健康，不過他自爆經常飲老火湯，「每次食飯前都問有無老火湯，有就一定飲一碗先，食完飯就再飲多碗，總之有機會就會飲，因為廣東人最注重湯水。」醫師即場解釋腎虛不分男女，而且飲得太多老火湯對腎臟不好，夏雨立即笑言：「我要改變呢個習慣，你哋啲人亦唔好成日話男人腎虛，因為女人都係。」
李司棋及石修更為兩位嘉賓烹調補腎食物，其中由修哥主理的「松子大蝦意粉」獲一致讚好，好評如潮。夏雨更大搞爛 gag：「我發現呢個節目『蝦』人，我得一隻蝦仁，你哋有三隻蝦仁！」其後他食不停口，更要求打包回家，逗得司棋姐開心大笑，直言：「夏雨你係最好嘅嘉賓，下次都要搵你上嚟！」
湯怡亦對大蝦意粉讚口不絕，未知會否向修哥偷師煮給男友洪卓立品嚐呢？她又透露其保養方法，「我好易水腫，所以平時都食得好清淡，盡量避免鹽分太高的食物，同埋我經常飲檸檬水，皮膚靚啲嘛！」
|
