 放大圖片
■葉翠翠否認有BB。
香港文匯報訊（記者 梁靜儀）葉翠翠昨日身穿貼身短裙及三吋高跟鞋出席活動，腹部亦未見隆起，當問到是否可以恭喜她時，她即笑着否認說：「唔係，(未夠三個月？未知住，(無驗孕？) 女仔要到下次唔方便時至知，而家未到期，所以未知，(可有唔舒服？ ) 咁又無。 那老公可心急想知結果？她笑說：「老公都想知，但未到期check唔到，(買定驗孕棒？ ) 屋企大把貨。」她又自爆近日已開始不設防準備生B，並同老公一齊睇中醫調理身體，希望可以生猴B，並笑說：「有算命師父話我隨時有(BB)，今年有就最好，(可怕是空歡喜一場？) 隨緣，自己唔心急，師父又話如果真係有，唔可以話畀人知，要五個月至講得，日後我唔講大家請見諒。」說到有喜也不能公開豈不是很辛苦？翠翠謂之前報道她有身孕，很多朋友都已恭喜她了，反而長輩就沒有直接問她， 爸爸也是問哥哥，可能不想給她壓力。
翠翠又稱若真的懷孕也會照樣工作，因拍劇又不是做主角，也不會太吃力，都可以應付到。她又大晒幸福說：「我先生唔使返工會做司機，如果返工就請半日假車我去開工，今日出來佢又驚我唔識路，都打了幾次畀我，（唔使請助手？）唔使，我同老公講到時（陀B）我就大晒，佢答我已經大晒。」幸福滿瀉的她笑指如果生B，可能是老公停工，而不是她。
|
放大圖片
