|
昨日天氣溫度驟降，沙田馬場更只得四度，加上舉行十一場賽事提早在下午十二點半開跑，目測入場人數明顯比平日小，頭場賽事由五班馬跑千八米泥地，即由蘇兆輝策騎吳廄的「彩利」爆冷勝出。這匹14倍冷門，今場起步後居於馬群中間，直路望空從中外檔衝刺打衝鋒，並交出良好反應最終順利掄元，並打破了馬匹逾年半的頭馬荒，同時亦替倉主吳定強取得今季第五場頭馬，得以暫別練馬師榜尾位置，至於今場的第二至四名，順序是「保證滿意」、「友歡笑」及「自動導航」。順帶一提，「彩利」父系為Mizzen Mast，在港子嗣跑泥地特別叻，「縱橫大地」、「活力歡騰」及「左右逢源」均曾贏泥地，值得留意。
巴西籍騎師蘇兆輝上年成為一五年英國冠軍騎師，除了無主帥合約一身輕之外，可以跑多個馬場出賽密食之外，其實亦歸功佢勝出大量膠沙地賽事，此君早前已在五班泥地賽贏了一匹「赤驥」，如今又在低班泥戰以「彩利」再建一功，可見跑泥地賽事饒有心得，季內再見蘇兆輝跑五班泥地賽事千萬唔好睇小。
|
