 放大圖片
■鄭俊弘邀請了幾位主播好友林子博、陳婉衡、潘盈慧及潘梓鋒，一起玩War Game宣傳。
香港文匯報訊（記者 梁靜儀）鄭俊弘(Fred)昨日為新推出的第二張專輯《當狗愛上猫》宣傳， 新碟封套用上了紅色，阿Fred笑言大家想不到買什麼去拜年，可考慮買他的新碟，絕對是最佳選擇。
為配合碟內阿Fred親自作曲的《炮火》，昨日他邀請了幾位主播好友林子博、陳婉衡、潘盈慧及潘梓鋒，一起玩War Game宣傳。阿Fred表示平時很少玩War Game，所以唔叻，之前拍劇集《學警雄心》也有試過拿槍試過射空彈，感覺好真實，幾得人驚。問到玩War game時是否不可以打面？貪靚的他笑說：「當然啦，千祈唔好，我都唔戴頭盔，費事整亂個頭。」
Fred透露新專輯籌備了一年，新碟是在奧地利印製，音色各樣都會比較靚。說到新碟跟上一張同樣用紅色，問到是否紅色旺他？他笑說：「係呀，上次係Red concert，呢隻又係紅色，又過年，若然大家諗唔到買咩拜年，呢個係最佳選擇，新年一定會買來送畀親戚朋友。」他又謂收工後會去買一隻碟用作珍藏。
新年將至，他表示還未可以收爐，不過新年會有幾天假期，之後就要宣傳新碟，下月又會開拍與羅嘉良(撈家)合作的新劇《與諜同謀》，他透露劇中飾演開保安公司的間諜，角色都幾複雜，對他來說是個大挑戰。問到首次跟「撈家」合作可會有壓力？阿Fred說：「我會抱住好學心態同佢合作。」
|
放大圖片
