 放大圖片
■陳敏之表示活動後會同老公在家過二人世界。
香港文匯報訊（記者 植植）「索腿天后」陳敏之昨日於馬鞍山出席情人節活動，仲收到fans同大會送的玫瑰花。席上敏之要同一個混血小朋友示範各款遊戲玩法，當2人示範點樣同食一條棉花糖時，小朋友怕醜拒食，慘食檸檬的敏之笑住話：「我第一次俾男仔拒絕，好傷心。」提到農曆年假，敏之透露留港四出拜年，仲食咗好多應節食品，令自己發褔不少，問佢會唔會擔心被誤會有喜？敏之笑住話：「唔會，呢方面順其自然，急唔嚟，冇話一定要咩生肖的BB。」昨日係西方情人節，敏之話活動後會同老公喺屋企煮飯仔過二人世界。
陳敏之最近終於一圓出碟夢，獲邀推出福音大碟，並花上一年時間灌錄，她表示：「係一張福音大碟，人生總有意想不到的轉變，花了一年投入製作，可以唱出自己的靈魂同正能量。」
|
放大圖片
