孖寶我有計：奄尖大少搏到盡

放大圖片

今晚跑馬地舉行猴年首次谷戰，雖然谷草跑道久未採用作賽，但上周六曾試八組谷閘，跑道亦會有一定損耗，與正常情況分別不會大。

第一場、第五班、一○○○米。「高山威龍」過去四捷全在同程，當中兩場更在四班賽取得，可見在五班跑此程級數的確較高，上仗在泥地賽交出追勁獲季軍，在今晚轉場跑強項，已屆出擊時。「跑馬仔」由吳定強接手後已經妙手回春，季內五度上陣已比上季的三仗為多，上仗首度出戰五班賽放得有聲有色，今仗轉爭谷草勝途，有力一放絕塵。

第二場、第五班、一八○○米。「奄尖大少」九歲老馬前仗在同程爆冷贏馬，上仗縮程跑一哩路程已經嫌短，欠缺追勁可以理解，今仗重返勝途可施展回馬槍。「鼓浪飛星」近三仗兩度於谷戰上名，剛戰在谷草二千二百米追獲季軍固然出色，但其實此駒大前仗亦曾於千八米上名，今仗縮程仍屬射程範圍，有力打開勝門。