放大圖片
今日大馬主潘蘇通席設沙田會所,請晒所有傳媒朋友、練馬師高伯新及馬房工作人員出席,原來係搞「大印銀紙」慶功宴,據知,潘蘇通知道呢個慶功宴係今日舉行,而同佢贏「大印銀紙」位騎師蘇銘倫,周日亦會為「代代為王」上陣,但事前冇諗得咁周詳,所以掛萬漏一無請到佢,後來潘先生得悉,立刻補番個邀請電郵俾蘇銘倫。
當然,蘇銘倫有波士邀請,必定奉陪,不過鬗R機票黈伬唌A原來呢日由法國飛港機票爆到瀉,潘蘇通得悉,亦搵好友幫手,希望能夠替蘇銘倫卜到機票,不過到目前為止,仍未有虒芋A蘇銘倫能否及時出席呢個「大印銀紙」慶功宴,仍有待機位確立才成行。雖然,蘇銘倫未必能夠出席呢次「大印銀紙」慶功宴,但佢就肯定可以於星期日賽事替「代代為王」出戰本地一級賽香港經典盃,呢隻「代代為王」,最初由大摩購入,目標跑打m,天價馬屬大摩心頭好,可惜進度麻麻,曾經被建議要進行閹割手術才能趕上進度,不過,馬主入貨時候,考慮到有配種價值才出高價,假如要閹割重新訓練,有違當初出高價原則,所以,馬主最終與大摩拆夥,並將呢隻馬歸隊,一併交回高伯新馬房主理。
高伯新取得「代代為王」,當然非常重視,備戰今次香港經典盃,賽前經常安排呢隻馬拍跳打磨,辣工夫加強之外,卻又驚呢隻馬吃不消,於是午間又常安排呢隻馬到彭福公園踱步,藉以放緩備戰情緒,可能高伯新訓練過唔少歐洲馬關係,對呢隻愛爾蘭馬訓練非常得心應手,所以,近期所見「代代為王」,雖然未能於短短時間內稱得上脫胎換骨,但比起大摩訓練時候,肯定有了唔錯進展,今次再由御用殺手蘇銘倫掌帥印,排個二檔出閘,應該係見真章時候。
|