獨有消息：龍之欣泥戰謀分頭

放大圖片

蔣嘉琦傷愈復出立刻憑「執子之手」贏馬，證明健康完全康復過來，愛徒復出，呂健威亦完全信賴，可見兩師徒合作默契一流。呢次馬房又有一匹弗馬交俾蔣嘉琦上陣，呢隻就係列陣於第十場三班千八米泥地之「龍之欣」。呢隻馬季內由楊明綸爆過場谷草一哩，而直到宜家，「龍之欣」�鰣輕銎痁馱輒儺Y馬均屬谷草一哩，但並唔代表佢其他路程唔得，其實，其他路程如田草千八及二千米，均有上名紀錄，即使好似今次所跑泥地千八米，過往曾三戰，當中有次得第三成績交出，當然其他路程贏唔到，表明佢仲未有人掌握得好尺寸發揮，呢次蔣嘉琦夥拍佢出戰，雖然小師妹只屬一位後起之秀，暫時談不上技術與功架，不過，最煞食地方就係佢有十磅可減，每逢跑泥地賽，輕磅可以克服其他不利競爭因素，馬兒即使蝕住位跑，又或者路程唔多正宗，卻因為有輕磅呢個好處，有條件可以容許鞍上人跑蝕多少，不過，大前題係一定要隻馬弗才有贏馬機會。周四最後試跑朝，蔣嘉琦夥拍「龍之欣」到機坪踱步，同行仲有何澤堯隻「吉祥」，兩隻馬踱步完畢，返回馬房之後，倉主又安排「龍之欣」於馬房內教閘，教閘期間，只見馬兒非常乖巧咁入閘，狀態異常文靜，呢個動態，屬以往爆冷前多數所出現之先兆，事關呢隻馬每次取勝，多數屬冷門身份，備戰期間，所有動態都比較平淡，唔會俾人太過注目，呢次「龍之欣」有晒水準，小妹又可憑呢隻馬左右大局。