上周三的谷草夜馬在C加三欄舉行，當晚跑道情況對於前置馬較為有利，大部分頭馬都是轉彎入直路時居第五位或之前，只得「金叻星」例外，第七位入直路仍然可以後發先至爆冷。「金叻星」七日前出戰一哩，早段貼欄採取居中跑法，轉彎入直路時移出外疊展開衝刺，結果險勝而回，最後四百米造廿三秒三一全場最快時間，走勢的確出色，「金叻星」至今累積五場頭馬，所勝出路程分別為田草千四、一哩、千八米及兩勝谷草一哩，能夠在不同馬場及路程贏馬，除了反映路程適應性廣泛外，實力也未見盡，今次加程排到靚檔，具添食機會。
