 放大圖片
■黎明前日特意為演唱會接受訪問，笑言同記者「JUST TO SAY HI」。
將於下月28日至5月3日假中環海濱摩天輪旁邊舉行一連6場全港首個4D演唱會，黎明（Leon）前日特意為演唱會接受訪問，笑言同記者「JUST TO SAY HI」。說到近日好熱衷玩facebook，問「金句王」黎明覺唔覺得吸引到後生fans？黎明又出「金句」謂：「唔知㗎，叫我阿叔都唔mind，封我『金句王』都唔理，好多時睇你用咩視野去睇！」■採、攝：植毅儀
黎明近日忙於籌備4月28日至5月3日假中環海濱摩天輪旁邊舉行的一連六場《黎明Leon 30th Anniversary Random Love Songs 4D in live 2016》演唱會，說到今次個唱的由4個場館加1個主舞台組成，4個場館分別劃分為不同的主題區，包括愛意（Love）、激情（Erotic）、 奇妙（Oddness）、驚險旅程（Night Horror）。笑問Leon四個場館的意思，他竟說：「其實這是同事們要把『L』、『E』、『O』、『N』我的名字拆出來，以視、聽、味、觸覺感受4D製作，視覺享受除面對中央的主台外，嶄新的左右兩旁的3D立體全熒幕投射影像，配合第4元素的環迴立體音響效果令此區觀眾感受到無可比擬的震撼和壓迫力，猶如置身另一世界裡。因為摩天輪去到2017年就會拆，今次大家可以早些來，每日(下午)6點開放在場館周邊的飲食娛樂專區外，到時入場人士更有機會抽獎和黎明乘坐摩天輪。」
為自己榮譽而跳舞
為慶祝黎明入行30年，主辦單位AMUSIC反傳統，大膽租用中環海濱活動區，由零開始重新搭建全港首個4D室內演唱會場館！為了配合高科技4D複雜製作效果，每個位置、角度都要計算精準，方能做到最佳效果。「有人覺得貴，但貴得來對得住天地人心，咪當自己是一個試驗品。觀眾視覺享受除面對中央的主台外，嶄新的左右兩旁的3D立體全熒幕投射影像，配合第4元素的環迴立體音響效果令此區觀眾感受到無可比擬的震撼和壓迫力。今次演唱會有3個顧問，分別是雷頌德、伍樂城及C.Y. Kong，至於排舞則由我話事，因為我就是今次的排舞師，把省回的錢放多點落製作上。今次跳舞是為咗自己榮譽而跳，唔可以做一個冷血的木頭人。」
設facebook專頁hit爆網絡
早前罕有開設facebook專頁的黎明，不時上載惡搞短片與粉絲分享，日前一條橫店揸車Rap住講「鍾意就鍾意，唔鍾意就唔鍾意，唔好講咩L.I.K.E」的片hit爆網絡。另一條在美國踎街邊食墨西哥薄餅的短片，黎明又有金句：「LA酒店星期日餐廳休假！連Room service也休假！最佳方案Save time for sleep。」吸引大批粉絲追看。對於玩facebook，黎明說：「公司同事話我再唔開facebook就out，再唔做就入棺材封棺！」問黎明覺唔覺得開咗facebook之後多咗好多後生fans？Leon都係話冇留意：「唔知㗎，叫我阿叔都唔mind㗎，封我『金句王』都唔理，好多時睇你用咩視野去睇，我講的都是事實。」
|
放大圖片
