 放大圖片
今個禮拜最矚目當然係打吡大賽，葉楚航七十八分馬「小米周」，在第三輪特別加多十八萬報名費上陣，再搵埋蘇兆輝壓陣，以往曾經有過唔少喺第三輪加入報名例子，馬就贏唔到，但會走得近，可以攞到獎金，抵銷番呢筆臨時報名費。
「小米周」評分太低，相信未必係呢批高分馬嘅對手，好似大摩所派出嘅四隻馬「明月千里」、「喜蓮獎星」、「凱旋生輝」同埋「摩高一丈」，除後駒在港暫未有表現外，其餘三隻均曾顯露過一手，「小米周」只曾在三班贏馬，但大摩列陣幾件經已跑緊級際賽，所以「小米周」縱使膽敢攞出十八萬臨時報名費，相信要過大摩呢批雄師並唔容易，「明月千里」來港前曾跑過南澳洲及昆士蘭打吡，均得亞軍，「喜蓮獎星」法國一級賽跑第三名，呢隻馬剛由雷神贏千八米，而且過程非常輕鬆，大摩當然希望雷神可以夥拍隻馬出戰打吡，但雷神卻一早心有所屬，替告東尼旗下隻「威利加道」披甲。
呢隻「威利加道」雷神所放心機可以話少唔過「幸福指數」，大家仲記唔記得，雷神第一次騎「幸福指數」嗰場，佢讓咗「新力風」俾郭能贏，自己隻馬跑到影都冇，第二場再騎「幸揊指數」，佢又讓咗隻「步步友」俾田泰安爆，「幸福指數」跑第三名，最後佢嘅努力冇白費到，終於贏咗今屆香港短途錦標賽。呢次雷神揀「威利加道」上陣，之前一仗跑香港經典盃，人馬經已作過溝通，今次再騎加程跑到二千米將會更合腳法，因為呢隻馬來港前跑過葉森及愛爾蘭打吡，路程都係二千四百米，分別取得第三及第四名成績，呢次跑二千米可以話最啱妗o揮，雷神揀得佢上陣，肯定有佢嘅見地，有五倍以上值得WP兼投。
|
放大圖片
