祖兒腳傷照跳舞壓力大

放大圖片

■容祖兒早前左腳韌帶受傷，只可以單腳跳的方式去代替。

香港文匯報訊（記者 梁靜儀）天后容祖兒與林海峰、葛民輝等昨日出席愛心馬拉松活動，祖兒帶領現場的小朋友原地跑三十秒，不過早前左腳韌帶受傷的她就只可以單腳跳的方式去代替。

提到左腳的傷勢，祖兒表示等緊康復，要慢慢來。她又稱年頭有堪輿學家表示她犯太歲會扭傷腳，想不到會成真。說到今次參加《我是歌手4》，祖兒說：「壓力很大，每個星期都要在短時間內準備最完整的演出，所以心情起伏好大，加埋隻腳又整傷，一世女加埋嘅壓力都唔夠今次大。(不少粉絲大表心痛？)當時心情矛盾，錄影前日我仲坐緊輪椅，我唔係想煽情，我喺dancers度跌落地有成分鐘郁唔到，第二日腫晒，第三日行得番啲啲，不如試吓啦，我咩都準備好晒，冇理由差自己，我覺得有奇蹟。(男友劉浩龍是否亦很心痛？)個個都心痛，第一日我仲唔敢畀媽咪知。過幾日要飛到韓國拍攝另一節目，之後又要和好友李克勤開騷，完全沒有時間休息。要綁緊啲隻腳，最影響係買咗好多高踭鞋着唔到，我好怕換季，唔抵㗎，好擔心！」問到演出是否會減少舞步？祖兒表示都跳到，但未必會着高踭鞋。